|
(((((شوي والحر يرجن على صوص الدجاج))))) بسم الله الرحمن الرحيم السلام عليكم ورحمة الله وبركاته اخواني الاعضاء عندي حر قرناس هوا فارسي 17 مطروح العام وطرى عليه العوده لدياره الاسبوع الماضي وربي جابه وربطته بمربط خاص لحاله واعلفه بالمربط صيصان الحمام والسمان الطازج واخذتله من صيصان الدجاج عمر يوم اللي بالمستتشفى المثلجه كميه يعني ابنوع العلف وناوي اجربعله بعد شوي المراد ياطوال الاعمار: اخذت امس ثلاث صيصان دجاج وتركتهن الين ذاب التثليج عنهن وحاطله بلاكاشه عليها نجيل اعلفه عليها وحط الصوص على النجيله ويقمز عليها وهنا جات الحركه القرناس ماداس الصوص بكفوفه فحج عليه وقام يرف بجناحه رفات سريعه ومتقاربه ومدنق وراخي عضوده ويصيح صيحات ولف وعينه على الصوص وكنه يبي يرجن عليه في ذيك اللحضه جلست اتامله واشوف وش يبي يسوى. المهم اخذ خمس دقايق وهو على ذالحال اخذت الصوص وخفيته شوي ثم قلبته ودعيته على الدس وجا واكله على الدس ثم الثاني ثم قدمتله الثالث ونتش منه نتشتين وشافه وعافه ورفع راسه ونقز على الوكر (ورجع جميع ما اكل) وتركته ست ساعات ثم علفته سمان وعلف هل هي الغريزه يوم شاف الصوص حدره |
| الساعة الآن 02:28 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir