|
بالله يا اهل الطير في ضيعة الطير..كم عين صقار(ن) بكاها عماها بالله يا اهل الطير في ضيعة الطير..كم عين صقار(ن) بكاها عماها هذي على الضيعة اجل ويش بيصير..في فقد من هو فارق(ن) مستواها قرموشتن جيرية واصلها جير..لو شافت ألصيده تبعد مداها قات وراها تغرف الريح وتغير..لو انها بين السحابه وماها إلين تطرحا مثل طرحة الزير..في حرب جساس هو يلي بداها تقصها قص الخشب بالمناشير..صقارها يضحك حجاجه أداها لو إن تبع,لو إن تبع له على الطير ثأتير..اقول دمه مختلط مع دماها وإن عرضت تشبه على راهب الدير.. لولا صوايدها وريش(ن) كساها وإن أقبلت نجم(ن) هوتبه مقادير..نازل على ارض البشر من سماها وإن اجبرت جرت ورآها الاعاصير..من سبقها كأن الطريدة ورآها يفرج هددها كل هم(ن) وتقدير..وتنومس إلي شلها واقتناها يا بوي شبلك ما يحسب المخاسير..لولا غلاك إلها ولولا غلاها لولا غلاها غير وفراقها غير..والله لأعاتب كل طرف(ن) بكاها قرموشة(ن)تسوى طيور الصقاقير..لا تسألوني ليش ربي عطاها الله يقدرنا على الطيب تقدير..ويعيضنا فيها ونقبل عزاها علوم هذه القرموشه عند بورداد :j |
| الساعة الآن 01:26 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir