|
من ضايع له حر يبشربه.....ذراع الذيب السلام عليكم ورحمة الله وبركاته صباح الخير ع الجميع قبل شوي راسلني شخص على الواتس آب وكان الرقم غريب من دون اسم وارسلي صور طير حر يستفسر عن قيمته وبعد ما اخذت وعطيت معه اتضح ان الرجال ماله اي خلفيه عن الصقاره ووضحت له ان هالطير طير عرب واهله مضيعينه واللي عطاه رقمي خوين لي من زمان الله يذكره بالخير وقاله ان شالله هالرجال يقدر يفيدك المهم مالكم بطوالها الرجال طلع اجودي وابن حلال ويوم قلت له دور اهله قال مالي في الطيور واتمنى ان اعرف اهله ومالي بالحرام والله وانا لي شهر ادور عن اهله وطارحه قبل شهر كان الرجال يتوضى لصلاة المغرب ووقع عنده المهم ياخويانا من ضيع له حر يبشربه والطير موجود وفي اتم صحه اطلعت على صوره وموجود ومحشوم عند الرجال اللي طارحه واسمه عاطف العتيبي من اهل القويعيه والطير مطروح مافيه فتخه وهذا رقمي انا محاكيكم 0569131667 من مضيع له حر يراسلني على الواتس اب ويرسلي صوره ويذكر مواريه والله يعقل طير كل مسلم |
| الساعة الآن 06:56 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir