منتدى استراحات زايد - سالفة: العنز والعناقين..قوافي

http://t1.gstatic.com/images?q=tbn:A...rQRM9Gxtanq6xw
بسم الله الرحمن الرحيم
مشرفينا ، أخواني ،أخواتي ،زوارنا
السلام عليكم ورحمة الله وبركاته
اسعد الله اوقاتكم بكل خير
سالفه من القديم،، وأيام المدارس الطين ،،ومكتبة الفصل اللي من صندوق البرتقال الخشب،، والطاولات اللي كنهن دركتر،، كباااااار!! كل ثنتين وأحياناً ثلاثة طالبات يجلسون على طاوله وحده من غير حركه،، وأصلاً حتى الحركه لا يمكن ان تكون بكل بساطه لأن الكرسي ثابت بالطاوله فيلزمنا الجلوس صامدين صابرين لين تصفر الحصه نتمغط ونستعد للحصه اللي بعدها..
فصلنا كان عباره عن غرفه بحوش المدرسه لها مدخل او سيب صغير وبعدين الفصل،، وجمب باب الفصل فيه ثلاث صناديق خشب برتقال صافينهم فوق بعض كمكتبه للفصل و مجلدينهم وحاطين فوقهم باقة غبار ااااااقصدي باقة ورد بلاستك،، وصافين الدفاتر وكرتون مناديل يعني فصلنا كشخه،، وكانت معلمتنا (رحمها الله وجزاها كل خير على كل ثانيه وقفت بها أمام الطالبات لتعلمهم حرفاً او معنى أو اي شيئ أجتهدت به والقته علينا)..
نعود لمعلمتنا رحمها الله كانت حريصه على هدوء الطالبات ولا تتركنا نتحرك او نلتفت حتى لو بالعيون عشان مانلهى او نسج على ماقالو ونسرح بعيد عن الدرس باللعب اللي عقب المدرسه :D
زمان فراش المدرسه وحرمته اللي هي بعد فراشه يسكنون المدرسه بغرفه قريبه من الباب ،،فراشنا كان له بحوش المدرسه عنز وجايبتن عناقين صغار وجميلات ،،أذكر كل ما دخلت الفصل المعلمه أف أف إيه الريحه دي؟؟؟ دي ريحة مين يبنات مين اللي لعبت عند المعزه وعيالها ؟؟:D أوعي تكوني أنتِ ياقوافي لألأ هو مش كُل يوم همن تطلعني بالشمس انا وكم بنت لين تروح ريحة العنز وفروخته من المريول:D
بيوم جا هواء شديد ومطر وقعدت اترجى المعلمه انه تدخل العنز وعياله للفصل عشان البرد والمطر والهواء ،،
وافقت المعلمه بعد الحاح مني ومن البنات ،،لكن أخذت علي تعهد أني ما أفتح أفمي ولا بكلمه لين تصفر الحصه الاخيره ووافقت ،،نسيت اقول ان كرسيي الأول قريب من الباب والسالفه هذي صارت وانا بصف ثالث ابتدائي،،واللي جمبي من البنات كلهم من طقتي يعني كلنا بالهوى سواء كلمه وحده وتفكير واحد حتى شناطنا الجلد ام ريحه،، طقم..
وبالاخير شرفت السيب اللي قبل الفصل مدام عنزه وعنيقاتها :s:D:)
التزمنا بالهدوء مثل ماتعهدنا لكن اللي حصل ان العنزه أدهرت هي وبزارينه وأكلت الدفاتر اللي بصندوق البرتقال اللي هي مكتبتنا ودلت تشقق وتاكل وماخلت إلا مزهرية الغبار،، وعلى فكره سهل اكل الدفاتر كانت ام 20 والورق خفيف ،،
تذكرت اني مره أكلت ورقه لأني كسلانه أقوم أجدعها بالزباله..
انتبهت المعلمه وشهقت شهقه كنه شهقت نزع الروح والعياذ بالله:eek::eek: كولو منك ياقوافي كولو منك حسبي الله عليكي ياشيخه:l:f أومي أومي خودي معيزك وأوعودي انتي وهما بره ياله بره مش عوزه اشوفك النهارده،،وأنا ساكته ;)
قالت:
أنتي مبترديش لييييييه؟؟؟
قلت:
أنتي قلتي أسكتي لنهاية الدوام وسكت !!
وانا شفتهم اول ما بدو ياكلون بس خفت تطلعينهم برا وخفت اخرب التعهد:):):)
ياصبر الارض..
تحياتي
اختكم
..قوافي..