|
رأيكم يهمني .. في قصيدة المكشات هذه القصيدة للشاعر/ فالح الحربي .. رفيقٍ لي من اكثر من 20 سنه .. شاعر ماهوب هين ويحب القنص والمكاشيت وكان يتغنى بهالقصيدة دائماً وخذيتها منه بالحفظ بس غدت مني من البطا وما عاد اذكر منها الا الشي البسيط .. فقمت وكتبتها ونقحتها وكملت عليها ارجو ان تنال اعجابكم : الوقت برّد ورفرف الطير واشتاق بيدين صقّارٍ يبي الصيد كله حرٍ يشوقني وللجول لحّاق ومن لامني بالصيد ماهو مقله منوة قنانيصٍ وراعي الولع راق متمرّسٍ بالصيد دقه وجله ويا ما حلا المكشات من بعد مشراق بأرضٍ رهاريهٍ بعيدة مزلة متعاقبٍ نوارها زاهي الاوراق وريح النفل بفياضها ما تمله وخوة رجاجيلٍ تسابق تسبّاق تجلي عن المهموم مليون علّه حلو السوالف والونس وكل مالاق وبنارٍ تحوط بها بريقٍ ودله اخير من جلسة رديين الاخلاق واخير من قعده بحوشٍ وفله ابي رأيكم يالربع لاهنتو .. |
| الساعة الآن 09:20 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir