تجربتي مع تغيير سير التوقيتات (timing belt)
 

السلام عليكم ورحمة الله وبركاته

انقل لكم الموضوع للفائدة
سيارتي لاند كروزر 1999 vxr ماشي 290
اشتغلت لمبة التايمنق بلت او سير التوقيتات
وتوجهت للوكالة تقاطع الامام محمد مع العليا قالو تكلفك حدود 2900 ريال
ثم ميزان العضيب قال 1700 ريال ...

قلت حرام كثير القطع من تويوتا ب 680 ريال (سير ورمان وشداد ) وبرى بحدود 450 ريال مثل النهدي ,,, الزبده ما ادري وش جاني واخذت القطع من تويوتا .
ولفيت على الورش وغيرته ب 400 ريال حق يده ...

يعني 400 +680 = 1080 ريال من 2900 بالوكالة
شوفو الفرق يا شباب وبلعكس كانو متفاهمين معي واخلاق عمال الورشه ..
وبعدين طلعت لي برمجت المبه قالو لي ناس في الوكاااله ب حوالي 100 ريال ..
وحصلت الطريقه بالنت سهله مره ..

السير القديم شكله جديد والشداد والرمان حالتهم جيده ولو دريت ما غيرتهم..

ودمتم سالمين..