|
●●{{ والنفس من ذا الصبر تجني ثمرها .. بقلم : آشجان }}●● بسم الله الرحمن الرحيم و الحمدلله والصلاة والسلام على رسول الله وعلى آله وصحبه أجمعين .. http://www.up-00.com/upfiles/vjK00928.png احب اقدم لكم اول قصه اكتبها و هي بعنوان اول شي ابي اقول لكم لا تخلون هالرواية تشتتكم عن الطاعات والصلوات .. اللهم بلغت اللهم فشهد ثاني شي احب اعرفكم على نفسي .. بنت قطرية عمري 16 سنه .. احب تصميم الصور و اعشق التصوير .. مب من هواياتي القراءة ولا الكتابة بس ياني إلهام اني اكتب رواية واعتبر هاي الرواية اول انجاز في حياتي واتمنى ان الرواية تحوز على اعجابكم ورضاكم واسمح لكم بالنقل بس آآمانه انكم تحفظون الحقوق لي ثالث شي اعرفكم على الشخصيات شجون : بنت عمرها 16 سنه في ثاني ثانوي , شعرها لونه اسود وعيونها بنيه غامجه و شعرها من جدام قصير و من ورا طويل و ضعيفه و جسمها كيووت و اللي شوفها يقول انها في الاعدادي لان ملامحها صغيره .. وهي قصيره اشوي طولها 155 و الحلو اللي فيها ان الضحكه دايماً على وييها .. سارة : اخت شجون اكبر منها بسنه في ثالث ثانوي, شعرها طويل , ضعيفه , و وااايد فيلسووفه بس هي طيبه و تسامح كل اللي يغلط عليها وعمرها 17 خالد : اخوهم الكبير و عمره 26 خاطب بنت عمة اسمها شوق عمرها 22 طويل , حلوو , جسمه رهيب و معظل , شعره مب وايد طويل جاسم : اخوهم الصغير عمره 15 سنه في اول ثانوي يشبه اخووه بس هو احلى منه بشوي ام خالد : في الأربعينات تزوجت يوم خلصت ثانوي كانت تدرس طب بس الحين هي ماتشتغل وهي ربة بيت ممتازه وخصوصاً في الاكل بو خالد : في الخمسينات طيب و متعقل و فاهم الحياة و يحب يفسر على كيفه ملاحظة : إذا صادف وشفتو اسم هند ترى هاي انا كنت كاتبه هند بس بعدين غيرت الاسم إلى سارة و إذا شفتو اسم الريم وبعد هاي انا غيرته وخليته مها و باقي الشخصيات بتعرفونها في الرواية ~! البارت الـ1،،ــ شجون : اممم ....... بو خالد: يلا شجون قومي الساعة 6 وربع !! شجون : انزيين قامت شافت الساعة لقتها 6 إلا ربع انقهرت وراحت انسدحت ويوم صارت الساعة 6 قامت .. راحت الحمام الله يعزكم .. وبعدين لبست ملابس المدرسة و ربطت شعرها بربطه عليها ويه سمايلي احمر ربطت شعرها خلته ذيل حصان على فووق .. وحطت مشابصين لونهم احمر على الجوانب لبست عبايتها وراحت تتريق ويا اخوانها و يوم خلصوو راحو المدرسة في المدرسة فتحت باب الصف كان عليهم شرعيه سلمت وراحت تقعد جنب رفيجتها احلام ابتسمت لها و قعدت ( احلام رفيجتها و دايماً وياها و كله تسولف وياها في الصف ) .. شجون وهي متحمسه : ها شآآخر الأخبار ؟؟ احلام : ههه اقوولج هاي من مساعة وهي تطالعني مادري شتبي بزنطها شجون : هههههه أي والله تبط الجبد كل الابلات متحلفيين فينا مادري اشفيهم كله منج وايد تتكلمين احلام : انااا ولا انتييي ؟؟؟ اشوي إلا الابله انتبهت عليهم الابله : شجووووون تعالى آودااام شجون : شنوووو ماسويييت شيييي هاي احلاموه اللي تتكلم !!! الابله : إلت تعي هوون شجوون : اوووف زيييين و شجون تطالع احلام بنظرات .. و احلام تضحك المهم مرت الحصه بطيئة و شجوون مييته من الملل و القهر رن الجرس وكل البنات طلعو بره كالعاده .. و اشوي إلا جات ابله الانجليزي شجوون : يووووووه من هاي العله الثانيييه اشتبييييي ( ظبية رفيجتهم طوويله و حلوه و نكتتته مثل شجوون هم الاثنين ثنائي مرح محد يقدر عليهم ) ظبوي : ههههه ادخلي ادخلي قبل لا تستنزل علينا شجون + احلام : هههههههه و دخلو الصف شجون : هييي لا تكلميني الحيين لا تغير مكاني احلام : انزيين المهم انتهت اول الحصص و جا دور البريك في البريك فجر : اشدعووووه ماتسلميييين ؟؟ ( فجر رفيجتهم من اول اعدادي و كانت كله ويا شجوون الروح بالروح بس عشان هالسنه تغير صفها وراحت صف ثاني .. صارو مب كله ويا بعض ) شجوون : ههههه خلووني اسلم انا ؟؟ اول ماييت على طول رحت الصف و سلمت عليها فجر : انزين .. يلا خلينا انروح نشتري شجون : اوكي راحو و شرو عصير و رجعو حق الشله الشله تتكون من 10 بنات تقريباً .. بس في البريك كل وحده تمشي مع رفيجتها او كل 3 يمشون مع بعض يات وضحى و سلمت على الكل ( وضحى بعد رفيجتهم بس مب وايد وياهم بينهم سلام ) المهم .. خلص البريك و كل واحد راحت صفها في الحصه السادسه .. الابله تأخرت .. عاد راحت شجوون صف فجر وبعدين الابله اللي في صف فجر جات .. و شجون وهي طالعه , في بنت تتطنز اتقول ابله العلوم جت << تتكلم بالمصري بس هي قطريه و شجون قالت : جت ولا شعيييير هاهاهاه و المشكله ان ابلة العلوم في ويها و جان اتشوفها و هي تقول تعالي تعالي .. اهني شجوون تصرقعت عدل ابله العلوم ( مصرية ) : أي آلت البنت ؟ << تقصد البنت اللي قالت ابلة العلوم جت قالت لها وهي مييته : مادري نسيت <<<< ههههه اشدعوه مامداها الابلة : تعالي معايا .. اهني شجون اعرفت ان بتوديها عند الإدارة و قامت تتأسف لها طوول الطريج و الابله هاي معقده ماتبي تسامحها وبعدين راحو عند الإدارة .. و قامت الابله اتزيد كلام من عندها << عاد اتعرفونهم لازم يحطوون ابهارات !! انزين بعدين وحده من الإداريات قالت حق شجون عطيني رقم ابووج اهني شجون ابتلشت عدل .. قالت : 5 و بدوون تفكير عطتهم رقمها و الإداريه مستانسة اتقوول حق الثانيه شووفي هذا هو رقم ولي امرها المهم بعديين الإدارة انها توصلت إلى حل ..وهو ان شجون اتروح تعتذر جدام الصف كله !! شجوون عادي عندها لأنها هي ماخذه على بنات صف فجر راحت شجوون وطقت الباب و فتحت و كانت حاطه صبعها علي شفايفها و قالت بكل برااءه : ابله آسفه الابله قالت لها تعالي و طلعو و وقفو عند الباب .. و قامت تعطيها محااظره طويله عريضه و شجون تهز راسها .. عشان تجاريها و تتحسسها انها مذنبه ههه المهم .. خلص الدوام و كل البنات تجمعوو في صف واحد عشان ينطرون سيارتهم .. لان نظام المدرسة مايسمح للبنات انهم يطلعون بره و يشوفون سيارتهم كل ثانوي في صف و بعدين المصري ينادي على الاسماء المهم شجوون و احلام مع بعض و قاعدين يسولفون .. دشت البندري عندهم وقالت : شتسوووون ..؟؟ شجون: انسولف سوالف مالت كبار .. حياج ويانا و البندري قعدت معاها : الله يحييج تموو يسولفوون لييين ما نادو على اسم شجون و بعدين راحت البيت اول مارجعت البيت على طوول راحت اغلقت جوالها عشان الإدارة ماتتصل و يسوون سالفة .. بعدين راحت بدلت لبست بجامه يدها قصيره و صروالها برموده و مخططه كحلي + ابيض راحت صلت و بعدين راحت تتغدى وقالت حق امها سالفة و بعدين امها اضحكت على السالفة و قالت صج ماعندهم شخصيه .. و يوم خلصت كل شغلها راحت ترقد خليفه : مااقدر يماا خليني ارقد والله تعباان ( خليفه شخصيه رئيسية في القصه , عمره 21 و يدرس في الجامعه سنه ثالثة طويل و ضعيف و شعره نااعم و طويل اشوي ) ام خليفه : اشفييك مريض ؟؟ خليفه : ماادري بس ارجوج خليني ارقد الأم : انزين , و طلعت وسكرت الباب خليفه يكلم عمره : انا اشفيني واايد تعبت اول ماشفتها ؟؟؟ معقوله حبيتها ؟؟ |
ماعجبتكم الرواية :( ..؟ وين الردود t-t ...؟ |
البدااية فنتكة وشكلج كاتبه مبدعه كمليهاااااااااااااااااااااااااا |
اقتباس:
العفوو اخوي ^-^!! البارت الـ 2 .. رن جواله , خليفه بتعب : آلو علي : هلاا بو الشباب شخبارك ؟؟ خليفة : ياخي مالي خلقك بسكر يلا مع السلامة علي : افا اشفييك ؟؟ خليفه : ماادري ماادريييي خلاص مابي اتكلم علي: انزين ياخي قوولي اشبلاك ؟؟ خليفه : بعدين بو حسوون بعدين الحين انا برقد وبكلمك اول ماقووم ان شاءالله علي : اوكيه على راحتك .. مع السلامة سكر من عنده و تم يفكر فيها (وعمره بعد 21 ويدرس مع خليفه في الجامعه في نفس التخصص ( علي رفيج خليفه من ايام ثانوي بعد 3 ساعات .. ظبية اتطق على اخوها الباب : خليييفووه قوووم بدوس بطنك قوووم خليفه : …………. في سابع نوومه ظبيه : يلااا قووم اذن العشاا و انت للحين راقد !! خليفه فتح عيونه : انزيين قمت قمت …. رد سكر عيونه اشوي إلا طق المنبه ماله يقول له ان الساعة 8 خليفه : اووه الساعة 8 و انا ماصليت العشا !! قام توضا و صلي و طلع من الغرفه ظبوي : خليفه انت شفيك هالأيام ؟ مب على بعضك خليفه : ماادري ( و راح يدور على اكل ياكله ) ظبوي : انزين اقوولك اليوم رفيجاتي بيوون بيتنا خليفه وهو معصب: انزين شسوي لهم يعني ارقص ؟؟؟ ظبوي : لا بس كنت ابي اقولك و راحت عنه راحت ظبيه تلبس و تتكشخ ( كان يوم خميس ) رن جوال خليفه و كان قاطه في غرفته مرت ظبوي من غرفته و سمعت الجوال يرن بفضوول راحت شلته ظبوي : آلوو .. ؟ علاوي : السلام عليكم ظبوي : وعليكم السلام علاوي : وين خليفه ؟؟ ظبوي لحظة اشوي ظبوي : خليفووه هاك جوالك خليفة عصب عليها لأنه مايحب حد يرد علي جواله خليفه : اراويج بعديين ( شافها بنظرة ) ظبية تصرقعت وراحت الغرفه بسرعه ظبية اشفييه هاي الحمدالله والشكر المهم راحت ظبية البست بنطلون جنز مع تيشيرت طويل لونه احمر وعليه خطوط باللون الأسود و رفعت شعرها و نزلت الصاله بسرعة قبل لا يشوفها خليفه و قالت حق الخدامات يجهزون العشا حق الربع رن جوال ظبوي ظبوي : هلا شجوون : اهلييين الحيين انا يايه بيتكم وياي فجر عطيني بس 5 دقايق ظبوي : اوكييه ناطرتج بعد 10 دقايق شجوون يات مع فجر .. فتحو باب السيارة شجون اول مافتحت الباب لقت واحد واقف عند الباب الرئيسي يتكلم بالتلفون شجون تصرقعت و قالت حق فجر : ابييه من هااي ؟ ليكون اخوها ؟؟ فجر : ايي يمكن .. بنسلم و انروح اوكييه شجوون : لاا من صجج بنروح بسرعه ماراح انسلم فجر : ههههه لا بنسلم شجون : لاا شوفي اشلون شكله يبي يتهاوش اخاف لو سلمنا يطيح فينا فجر : اشدعووه اقوول بتصل حق ظبووي احسن شجون : اتسووين خيير فجر : هلاا ظبوي … من هاي اللي عند الباب ؟؟ … اخووج ؟؟ ظبوي : أي أي توه طالع من البيت انتوو وين ؟؟ فجر : عند باب بيتكم بس خايفين من اخوج شكله معصب ظبوي : ههههههه أي متحلف فيني الآخ فجر : وييي الحين و الحل ؟؟ ظبوي : اممم ادخلو عادي ماراح يعضكم فجر : على مسؤوليتج ؟؟؟ ظبوي : ايي ايي يلا خيستوني وانا انطر فجر : انزيين يلا ثواني وعندج شجون : هاا شقالت ؟؟ فجر تتنهد : قالت ان ندخل ماراح يسوي لنا شي شجون : الله يعين مشت فجر و شجون لين الباب الرئيسي انتبه عليهم خليفه .. و شافها ..!! فجر + شجون منزلين راسهم : السلام عليكم خليفه : وعليكم السلام .. وهو مبقق عيوونه و بعدين دخلو البيت خليفه : علوووووي شفتهاا شتفهاا اكاهي ياات مرة ثااانيه لا ماصدق مستححييييل !!! علاوي : ها وشوو شسالفة ؟؟ خليفه : تذكر البنت اللي فتحت لها الباب يوم يات بيتنا ؟؟ رفيجت اختيي و هي اللي حبيتها و…….. ( قاطعه علاوي) علاوي : قول والله !! ؟؟ خليفه : والله اكااهييي لااا رااحت دخلت البيت علاوي : شتسوي في بيتكم ؟؟ خلفيه : يعني شتسويي يايه حق اختيييي يعني بتييلي انا لازم اعرف شسمها علاوي وهو يضحك : ههه الحب و ماأدراك مالحب خليفه : جب جب .. ادري انك تغار مني علاوي : انزين يلا بااي خليفه : على ويين ؟؟ علاوي : زعلت خليفه : آفا ماعاش من يزعلك .. من الكلب اللي زعلك ؟؟ علاوي تشقق : انت خليفه : هههههههههههه الحمدالله والشكر ما دام انا اللي زعلتك روح طق راسك بالطوفه خخخخخخ علاوي : ياخي انت شكلك تبي تتمشكل خليفه : مب فاضلك انا يلا بروح اتجسس عليهم علاوي : خاف ربك تتجسس على بناات النااس ؟؟ خليفه : وانت صدقت ؟؟ علاوي : مب بعيده عليه تسوويها خليفه : آآخ منك يلا انا بروح ادور لي اكل علاوي : بالعافيه خليفه : الله يعافيك فمان الله سكر من علاوي و هو مييت مستناس مب مصدق ان اللي حبها يات بيتهم مرة ثانيه صوب البنات .. فجر : هههههه انزين ماقلتي لنا ليش اخوج متحلف فيج ؟؟ ظبوي : ويي سكتيي .. عشان رديت جواله شجون : باال صج سخيف ظبوي : ههه حدج على اخووي شجون : آسفييين ظبوي : انزين مسموحه حبيبتي , ماتبون تتعشون ؟؟ شجون : لا لا بعد اشووي ابي ماي ميته عطش ظبوي : كيفكم .. انزين اطلعي من باب الصاله وادخلي اهناك ( و تأشر لها ) و طلعي بتحلصين الخدامات قولي لهم يعطونج ماي شجون : اوكييه طلعت شجوون .. و مثل ما وصفت لها المكان راحت طلعت بره إلا اشوي ادعمت بشي !!.. ( ماكانت لابسه شيله و كانت فاله شعرها و حاطه طوق ) |
تجنننننننن كملي بليييييييييييز:169: |
| الساعة الآن 03:10 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir