منتدى استراحات زايد - الجمّـــآل وَ القرقيشه~

بسم الله الرحمن الرحيم

السلام عليكم ورحمة الله وبركاته .. حيّ الله اخواننا المشرفين / والاعضاء / والزوَآر

مسَآكم/صبحكم آلله بالخير

نبي نذكر اليوم سالفة قديمة بالحيل , قصيره وخفيفة ظل لكن فيها حكمه لمن اراد الحكمه والاستفاده ,
يذكرون فيه جمّآل في قرى الوشم حقّآني وحكيم , وهالجمّال يومن رايح لرياض ويومن رايح لسدير والقصيم . يجمل ويدور العيشه , جاه مره من المرات وهو في ماقف السوق اللي في ديرته رجال يسأل عليه وين فلان الجمّـآل ؟ قالو له هذا هو قريّب أبشر به ! صوّت قال : نعــــم وش بغيت ؟؟؟ قال والله ماعندي الا سلامتك يابو فلان . انت بتروح لرياض اليوم ؟ ؟ او باتسر ؟ قـآل : ان شاء الله . قال لا اوصيك تكفى يقولون ظاهرن قرآقيش " لعبة الاطفال " , وأبشرك عندنا وليد حول مايكمل السنه ونبي له قرقوشه ولا أوصيك جب لنا وحده . قال الجمّـآل ان شاء الله .

رآح الجمال للرياض وجا ماجابها !! وراح للمره الثانيه ولا جآبهـآ !! وراح للمره الثالثه ولا جابها !!

جا يمّه رجالن ثاني وقاله نفس الكلام وصاه على قرقوشه لولده , بس الرجال الثاني داهيه وحكيم مثل الجمّـآل قال دوك يالجمّآل هذا ريـال بنصف ريـال قرقوشه والنص الثاني تعبن لك ويوم الجمال خذ الريـال وحطه في مخباته وقـــآل : ( لآ والله إليّ قرقش ولدك ) وقام يرددها لين وصل بعيره .... وفعلا جاب القرقيشه بعد يومين .. واللي وصّـآه الأول اللي ماعطاه ريـآل ماقرقش ولده !!!

هذا يبيّن لنا أن اللي يعطي الحق ياخذ حق َ
ورآح مثل . .
" لآ والله اللي قرقش ولدك "

___________ وســـلآمة من مرّ وَ قرى _________