ياهل الخبره !!
 

السلام عليكم ورحمة الله وبركاته ..

كيف حالكم حبابي اتمنى ان تكونون بأتم الصحة والعافيه ..❤️

ابشركم الله عقل طيرتي بعد ما غدت يوم الاربعاآء الي طاف بالخفجي ..
وطرحها رجال شرواكم من هل الكويت واتصلي ورحت له وعز الله ماقصر ..

عقبها اخذت الطير ووديته مستشفى الهمل للصقور في الكويت وفحصته وطلع معه بداية قلاع بس بسيط جدا عن طريق المنظار .. ودو رئه .. وعطوني علاجاتها

وبالاخير خدرت الطير ومهدته عشان ادخله للسعوديه والحمدلله تمت الامور ودخلته .. وكان البنج ابره وكان مدتها 3 ساعات ..

وبعد ما صحى الطير واسترد صحته وقوته .. لاحظت تغير لون المرش عزكم الله للون الاصفر وريحته كرررريهه جدا وبوزه ( منقاره ) رطب فيه رطوبه اذا مسكته وريحته كرهتني بالطير ..


للعلم ان القلاع تبين من الفحص انه جدا جدا بسيط وانه للحين مابدت اعراضه ..

فا من وش تتوقعون هالرطوبه الي بالمنسر ولون المرش والرآئحه ..!!!؟



اخوكم :( رآعي جملآ ) .. ❤️