|
مقيض خاص لطيوري بسم الله الرحمن الجيم http://www.mekshat.com/pix/upload05/...mk94306_a1.jpgاليوم موضوعي عن عمل مقيض خاص عندي في البيت ... الكل يعرف طول فترت الصيف وخاصة فترة العصر ... والملل اللي يصيب الصقارة خاصة ... فقررت ان اعمل امقيض متواضع عندي في البيت ... قبل كنت كل سنة اقيض اطيوري في احد المرابط الموجوده في المدينة عندنا ... وصراحة صاحب المربط مايقصر .. لاكن السنة قررت أن اتابع مقيض طيوري بنفسي .. واشرف علي كل شي .. والحمد لله ... كانت عندي مساحه في البيت توفي بالغرض .. الطول 22 متر والعرض 6 امتار .. والارتفاع امره بسيط .. قررت ان اعمل المقيض فيها والعذر منكم وبسسب سفري اثناء تجهيز المقيض فلم اتمكن من التصوير من بدايت الشغل .. المقاسات كانت كتالي :: غرفة التبريد 6 * 4 متر الغرفة الخارجية 6 * 18 متر الارتفاع 3 امتار التكلفة كانت بسيطة جدا ... خاصة وأن اغلب المواد المستخدمة في الشغل كانت متوفر عندي من بقيا مواد بناء وخلافة اعتقد ان ماوصل المبلغ اللي تم دفعه 4000 درهم علما بأن الجدران من الجانبين علي الطول كانت جاهزه من قبل .. فقط يعني اغلب الشغل في السقف والبلاط والابواب .. عموما عطيت العمال المقاسات والترتيبات وتوكلت علي الله .. بعد مارجعت والحمد لله حصلت العمال بنفذين 90 % من الشغل حسب التعليمات .. واتكم مع الصور للتعرف والاطلاع اكثر هذا المدخل الخارجي للمقيض هاذي غرفة التبريد ... وشوفو القرناس وين مريح ... وكذالك تنوع البلاط ... منوع عشان الطيور تتونس بالتنوع ... هههه .... للعلم البلاط كلة من بقايا مواد بناء قديمة عندي .. والبناي ماقصر عمل الديكورات حسب ذوقه .. طبعا مبين داخل الغرفة عمود حديدي ملفوف بالتور الاخضر عشان الطيور اللي تريد التبريد توكر عليه .. وكذالك حنفية مويه للغسيل .. http://www.mekshat.com/pix/upload05/...mk94306_a2.jpg المكيف كان عندي .. عملناله صيانه وصار شغال 100% والله ياجماعت الخير الغرفة تصير فريزر ... والسقف مثل ماتشوفون من الكيربي العازل للحرارة ... http://www.mekshat.com/pix/upload05/...mk94306_a3.jpg هذا العمود اللي تريح عليه الطيور في غرفة التبريد http://www.mekshat.com/pix/upload05/...mk94306_a4.jpg هذي غرفة الهدد واتشوفون توزيع الوكور فيها .. وحطيت بعض الوكور الارضية عشان الطيور تأخذ راحتها http://www.mekshat.com/pix/upload05/...mk94306_a5.jpg هذا الشباك العازل بين غرفة التبريد وغرفة الهدد وهوقابل للفتح والتسكير .. سحااب .. وقدامه عمود عرضي تحل عله الطيور في حالة الدخول او الخروج http://www.mekshat.com/pix/upload05/...mk94306_a6.jpg المكيف وتوجيه برودته الي غرفة الهدد حسب الرغبة http://www.mekshat.com/pix/upload05/...k94306_a07.jpg السقف لغرفة الهدد من السعف عشان الظل والتهويه .. ويتم فيه توزيع الاناره حسب الرغبه http://www.mekshat.com/pix/upload05/...mk94306_a7.jpg طيري نهار ... يقول وش فيه راعي نهار اليوم كلة تصوير .. وزعجتنا بالفلاش .. ويبين خلف الطير فتحات للتهويه تم وضع تور شبك للحمايه ... ولا مانع من وضع بعض الفيش للحاجه .. http://www.mekshat.com/pix/upload05/...mk94306_a8.jpg القرناس مريح .. والتوزيع للوكور وبعدها عن بعض مهم ... عشان كل طير ياخذ راحته http://www.mekshat.com/pix/upload05/...mk94306_a9.jpg حوض للماء .. وتعمت يكون مرتفع لغرض في نفسي .. ومبين حنفية الماء للتعبية والغسيل .. وكذالك مسورة ارضية لعملية الغسيل وتغيير الماء http://www.mekshat.com/pix/upload05/...k94306_a10.jpg تم وضع ترتان علي جوانب الحوض للحماية والنضافة http://www.mekshat.com/pix/upload05/...k94306_a11.jpg غسل الحوظ وتعبئته بالماء http://www.mekshat.com/pix/upload05/...k94306_a12.jpg الشاهين مبسط علي حوظ الماء .. وكأنه يقول في نفسة ياراعي نهار اطلع ودي اخذ سبحه .. http://www.mekshat.com/pix/upload05/...k94306_a13.jpg |
| الساعة الآن 01:46 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir