منتدى استراحات زايد - سالفة:سيارة الفليت ..قوافي

http://t1.gstatic.com/images?q=tbn:A...ndndNU_DKuwUqh
بسم الله الرحمن الرحيم
مشرفينا الافاضل
أخواني ،أخواتي ،زوارنا
حياكم الله وأسعد اوقاتكم بكل خير
من شنطة القراشيع (حقيبة الذكريات) لقيت قرشوعه من الماضي اللي ،قريد،(قريب وبعيد) مدري وشلون المهم هي كذا..
ســـــــيـــــارة الـفـــــــليـــــــــت
http://t2.gstatic.com/images?q=tbn:A...Vbiu_WFxPTx18g

مثل كل عيال زمان لين جت سيارة الفليت نركض وراها والوناسه ذابحتنا بنغير جو،،ونستنشق روائح،، بخشريه(بخاخ حشرات)حتى ذي مدري وشلون بس هي كذا..
سالفتنا عن جيران سكنو جمبنا لهم ولد نظيييييف :D
الولد كان بعمرنا لكن كان غير،، تقل مستورد ..
كل ما قلنا تعال نلعب ،قال:لأ مامي تضربني:eek:
وش مـــــــــــــامي؟قال:أمي
يوه ويمه صارة مامي :Dسبحان الله
:mad: يعني مايصلح تلعب معنى؟
قال :لأ..
تركناه وصرنا نتعنى نلعب قدام بيتهم مكايد عشان يطلع للشارع معنا ..
وصراخ ولعب كوره وبوبي وواحد طش وسبع الحجر ،والضعيف عينه تزر بين نارين..
بيوم قعدنا نسولف عليه عن سيارة الفليت ومن المدح الشاطح عن الوناسه وانت بسط الفليت وعن دخانه اللي يخليك تمشي ،شمين(شمال ويمين)مدري وشلون صارت هي جت كذا..
المهم بعد جهد اقنعناه انه يطب من شباك المجلس اللي على الشارع ولين قضى لعب العيال بيشيلونه على كتوفهم ويطلعونه للشباك وكأن ما حصل شي وهي تجربه ان جازة له ولا بكيفه ملينا من اقناعه باللعب بدل الطلطله من الشباك..
جت سيارة الفليت وطب المستورد من الشباك وركض مثل عيال الشارع كلهم ورى السياره والبخاخ بوجيهنا
ثثثثثثثثثثث ثثثثثثثثثثث
ثثثثثثثثثثثثثثثثثثثثثثثثثثثثث
يوم قال الولد:يا أُممممممممي
وطرع على الارض ،تمدد والعيون نافصات ولا حس ولا خبر:f
شالوه العيال وعلى بيتهم ومن الشباك ودربم على مجلسهم وجدعوه لا من شاف ولا من درى:s
بعد 10 دقايق انفتح باب بيتهم والمستورد وامه واقفين عند الباب حنا نحسبهم بيشكروناعلى اننا رجعناه للبيت ماتركناه طايح بالأرض:)
يوم قال:
هدولااااااا هُما ااااااا أللي كتو بوجهي الاكسجين يامـــــــامي :confused:
مــــــــــــــامي وأُكسجين :rolleyes:؟؟؟؟
عاد احتريناه يطلع الشارع عشان نبخه على حسب معرفتنا بس نقلو من الشارع كله..
تحياتي
اختكم
..قوافي..