|
مكيف فكسار 98 السلام عليكم ورحمة الله وبركاته شفت اكثر من موضوع بخصوص (فلتر المكيف) والجدال بين انه يوجد فلتر أو انه مايوجد عموما ... انا فكيت الدرج ولقيت مكان الفلتر اللي هي العلبه السودا المستطيله وفكيتها ومالقيت فلتر واللي بتأكد منه هو هل هالمكان المفروض يكون فيه فلتر ولا هو كذا بدون فلتر لاني شفت فراغ اتوقع لو احط فلتر بياخذه وخايف انه يكون مصمم كذا بدون فلتر النقطه الاساسيه طبعا هي حول التكييف .. مشكلة المكيف عندي انه مايبرد احسه ماله خلق .... بس لما اشغل الثلاجه يصير :good2: .. طبعا انا هنا اشجع ان الواحد هو اللي يشتغل بسيارته العماله مو احسن مننا وفعلا انا قريت مشاركة احد الاخوان الله يجزاه خير اللي فك الثلاجه اللي ورا ونظفها ... ومشيت على خطواته وفتحت الديكورات ونظفت الثلاجه بمكنسه كهربائيه ..... هي مافيها شي الثلاجه بس كذا حبيت احوووورف بالسياره ويمكن القاها وصخه انظفها :D الحين ابي فزعتكم يالنشاما بخصوص المكيف اذا في طريقه اقدر اسويها بيدي ياليت تفيدونا(( المكيف ما يبرد الا لما اشغل الثلاجه )) بدون الثلاجه يقل النفخ + البروده |
| الساعة الآن 09:46 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir