منتدى استراحات زايد - دونك الايام أجمل // بقلمي

مدخل // بقلمي زياد السنباني

لا ترجع اليوم وابقى للجفا عازم
يا دوب قلبي نجا من غرقة امواجك

يا للأسف انت غبت اكثر اللازم
وجيتني يوم انا ما عدت محتاجك

للتواصل ((اول قصيده لي تقريبا))
دونكِ الأيام أجمل // بقلمي زياد السنباني

عانق الحرمان وقتي قبل ما الأحزان توصل
واحتضن حزني زماني بعد أيام الكــآبه

وصعب في دنيا الكــآبه تشرق الفرحه وتكمل
مايعيش الحب أو تحيا الأماني وسط غابه

من يقول الأمس يرجع أو يعود الحب الاول
ينتظر .. بس ما بقى له حق يزعل من غيابه

من يحب يحب لكن من رحل خليه يرحل
الجزاء للي يصدق كذبته يشرب سرابه

مزق الهم انتظاري وانتظاري فيك ما مل
كم مضى من عمر لجلك وانتهى أحلى شبابه

كم تبدل في زمانك شي ليته ما تبدل
كم لقيت الليل ضامي والقمر تشرب شرابه

كم لقيت جواب شافي بس ما حبيت أسأل
وكم سؤال ن ... عشت أحلم أنطقه والقى جوابه

كل ما أزرع ورودي .. من ضما صحراك تذبل
وكلما النسيان جاني قال قلبي : إيش جابه

بس لما شفت غدرك .. والألم والوهم طوّل
قلت : ياقلبي كفايه من نساك البس ثيابه

من كتب ((فرقاك سهله)) قول له ((فرقاك أسهل))
ضاع منا العمر واحنا ما حسبنا له حسابه

وجيت اعلن لك حقيقه إن احساسي تحول
وان قلبي عن قناعه فك للنسيان بابه

جيت أكتب لك قصيدة (دونك الأيام أجمل)
يا زمان احرقت آخر صفحة (ن) بي من كتابه

مخرج // بقلمي زياد السنباني

ودي اشوفك وانت واحد من الناس
ودي أشوفك رغم ياسي ولك قلب

عيش الوفاء مره وخلي لك احساس
ترى الوفا من قيمته ميـّـز الكلب !!

تحياتي للجميع // زياد السنباني