فزعتكم يالربع في التأمين
 

السلام عليكم
يا اخوان انا شريت سييرا 2013 غمارة ونص ولله الحمد والله يبارك لي ويبارك لكم
طلعته من الوكاله الجميح طبعاً المغرب قبل ايام ثاني يوم والله العظيم الذي لا اله الا هو قبل يجي المغرب يعني ماكمل 24 ساعه عندي الا وانا جايب العيد فيه صدمت عمود بوابة حق الرمايه لاني دخلت مع الخروج والموتر طويل ماتعودت علي سياقته للحين المهم انعدم الباب الايمن ودخلت حديدة معترضه موجودة بالماصورة بين الحوض والغمارة وشقت الحوض ولعت بغيت ارجع للماصورة وادعسها دعس واكمل علي المحل بعد ما امداني استلذ بجدته ما اخفيكم انقهرت صراحه بيني وبين نفسي وكان معي واحد من الجماعه يقول بسيطه انا عارف انها بسيطه لكن حرام مامر 24 ساعه الا صادم لوحصل معكم نفس اللي حصل معي سيارة تطلعها من الوكاله وتصدم ثاني يوم وش شعورك ،،،،؟ خلاصة موضوعي هل التامين يصلح الموتر او يماطلون ويقولون انت صادم جسم ثابت وهات الماصورة خلها تنازل عنك نجي بعد التصليح لاني مصلحه مصلحه من غير شر بالتامين او بدونه وش افضل شي اركبه من الشنط الموتر لونه الزيتي او التركوازي هل اركب الشنطه النيكل حقت السليماني والفيبر حق السليماني لاني ركبت الدعاسات وسويت تنجيد له باقي الشنطه والفيبر بعد التصليح ان شاء الله ونبي رايكم افضل شنطه وفيبر هل يوجد غير السليماني والا احتكار بعد وابي رايكم بالشاشه اللي يقولون تركبها من غير تقطيع افياش او غيره شاشه صينيه مخصصه للجموس وماجلان اللي فيها اي جو وش رايكم فيه اثر شغلتنا شغله باقي المساعديات وش اركب عشان مايطب وابي افهم كلمة كعكات وفايدتها
وآسف علي الاطاله وسامحوني
شاكر للجميع