منتدى استراحات زايد - ‏(‏( عروس الشمال ))

بسم الله الرحمن الرحيم
السلام عليكم ورحمة الله وبركاته

هذه القصيدة بمناسبة هطول الأمطار على منطقة حائل وكذالك مشاركه وتفاعلا مع موقف انقاذ المرأه التي كادت ان تغرق في سيول حائل لولا فضل الله تعالى ثم شجاعة البطل الذي انقذها من الغرق ..
ارجو من الله ان ترتقي عروس الشمال إلى رقي ذائقتكم الشعريه

.
.
.

((عروس الشمال))

سقا الله سحاب(ن) فوق حايل مخايله ............. سرى الليل وعيوني سهيره تخايله

تخايل بروقه في دجى الليل عيني ............. وزلازل رعوده في جبل طي هايله

يهل العباير من مقادم مزونه ............. عروس الشمال امست اتنقض جدايله

تمسي وهي متبختره لبتسامته ............. وتصبح ودمعتها على الخد سايله

دار الوفا والجود والبذل والصخا ............. اهل اليدين اللي بالامجاد طايله

وقفاتهم وافعالهم حاتميه ............. وبرق الحيا تتبع تواليه اوايله

وادي مشار امست تقانب اشعابته ............. واصبح زبد سيله مغطن خمايله

وجات المواقف للنشامى تنادي ............. والشمس كانت للغروب متمايله

والصايحه سيل الجبل حال دونها ............. وفزعلها اللي ماضيات(ن) فعايله

غرقت ولولا الله تعالى ندبلها ............. النادر اللي كاملات(ن) خصايله

والطيب لو هو بالحيل والمحايل ............. ان كان كل محايلي(ن) تحايله

الطيب يبقى عند الاجواد ذكره ............. والا ترى صيور دنياك زايله

نجد المسمى لد عينه مع الورى ............. للبرق ورعود الشمال وقبايله

علمي لاهل برزان من صادق الغلا ............. فالحلق يقرع بس مانيب قايله

بقلم : محمد القسامي