ما الحل لمشكلة عداد بنزين الباترول !؟
 

السلام عليكم ورحمة الله وبركاته

ياشباب عندي باترول موديل 98 ربع سلقه , وقف عداد البنزين فجأة !!

رحت لكهربائي قالي يمكن كتاوت يمكن فيوز يمكن العوامة يمكن العداد خربان , قلتله توكل على الله وافحص .
فحص الرجال , قال مبدئيا الكتاوت والفيوز سليمة نروح للعوامة !! فحص العوامة , لقاها خربانه , وغيرناها , ولا تغير شيء !!
قال مابقى الا العداد , شيك على عداد البنزين لقاه مايشتغل قال غير عداد حق بنزين , دورنا عداد ماحصلنا الا طبلون كامل وكل من جيناه قال مافيه الا كامل حتى الوكالة ماعندهم الا كامل .. قلت اروح للتشليح يمكن القى وللأسف مالقيت الا طبلون كامل .
قلت ماهيب مشكله اغير طبلون كامل بكم طيب ؟؟ قال: بـ 800 ريال قلت خله عندك مابيه .
رحت شريت عداد بنزين خارجي (توليف) يوم ركبته صار يعطيني قراءه خاطئه , يعني اذا عبيت فل يجي عند الـ E واذا فضى يجي للنص !! :eek:

زبدة الموضوع : من يخبر لي كهربائي معروف يحل لي مشكلة العداد .. لان عداد البنزين مامنه غناة .. ولا عندي استعداد ادفع 800 ريال على طبلون كامل وانا طبلوني سليم ماعدا عداد البنزين فقط .

او : اللي منكم ركب عداد خارجي وضبط معه يعلمني وين ركبه فيه , لاني شفت كم مرهم مركبين تانكي صغير بالشنطة ومركبين عداد خارجي ومضبوط معهم !!

واعتذر على الاطالة