السلام عليكم و رحمة الله و بركاته ..

حبيت اسرد لكم قصتي مع تلفوني الايفون
يمكن تذكرون لما سافرت رحلة مع زوجي لليابان
و كان تلفوني مرتاحة فيه جدا خصوصا ان باليابان بكل مكان فيه واير ليس و سريع جدا

بس بفترة السفرة ، فجاة التلفون ما صار يبحث اي شبكات wi fi و يقعد يبحث و يبحث و ماشي فايدة
قلت لما ارجع الامارات بشوف القصة
و استغربت بعد حدثت لي قصة ثانية التلفون ما يرن
يعني اي حد يتصل ما يرن التلفون ، يرن بحالة اذا كنت اسمع اغاني
بس لكن ما يرن اذا كان بوضعية standby

سويت ريستور و ما نفعت الفكرة ، سويت ريستور من الايتون و بعد فشلت الفكرة و ما نفعت

لما رجعت الامارات
اتصلت بـ ابل ستور بامريكا و خبروني ان التلفون من ايطاليا اتصل بـ Care center هناك
و قعدت ابحث و طلع المركز الرئيسي بـ بريطانيا
و اتصلت فيهم و خبروني انهم ما يقدرون يساعدوني لان التلفون ايطالي
و بحثت بالموقع عن ايطاليا لكن صعب عليي البحث لانه باللغة الايطالية

و شفت ايميل و قلت ممكن هو ...
ارسلت لهم ايميل كلمتهم عن المشكلة
بعد 4 ساعات تقريبا لقيت رد منهم انهم ما يستقبلون الشكاوي بالايميل ..
اما التلفون او الفاكس ...
اتصلت فيهم و كله ايطالي و ما فهمت شي
رسلت رسالة فاكس لهم مكتوبة لهم كل المشاكل الي صادفتني
كتبت لهم رقم الفيرموير + رقم الجهاز
و بالنهاية كتبت رقمي و اسمي

اليوم الثاني اتصلو فيني على طول
كلمتني وحدة بالانجليزي قلت الحمد لله
و قالت لي عندج الجهاز حاليا ... قلت لها لا .. لاني نسيتة بمكان عملي
قالت لي بكرا نتصل فيكي بنفس الوقت و خلي الجهاز معاكي و جهاز الكومبيوتر

قلت لها اوكي
اليوم الثاني فعلا اتصلت و بنفس الوقت
و سالتني الجهاز و كومبيوترك معاكي .... قلت لها اي
قالت ثواني و نحولي الى Technical support center
و قعدت يمكن 10 دقايق و رد عليي واحد و قالي لو سمحتي اشبكي جهازك بالكومبيوتر
شبكتة و قالي روحي هناك و روحي مدري وين و اضغطي فوق او تحت المهم
لين اكتشف ان الجهاز فعلا ما يستقبل الشبكات و جهازي تحت الضمان ( انا اشتريت الجهاز قبل ما ينزل بدولة الامارات رسمي من ايطاليا )

قالي تعالي ايطاليا و سلمي التلفون و راح نعطيكي جهاز جديد :stern:
قلت بنفسي احلف بس اجيك ايطاليا عشان اعطيك التلفون ...؟؟؟!!!!
فهمتة اني عايشة بدبي و و انا كنت بزيارة الى ايطاليا و اشتريت التلفون يعني صعبة اجيك
قلت له راح ارسل التلفون بـDHL قالي Sorry نحن ما نستقبل التلفون بهذه الطريقة

قالي ثواني و حولني على الهولد
و رجع بعد شوي و قالي
نحن راح نتساهل معاكي ، ارسلي التلفون الى اي حد من اهلك او اصدقائك بايطاليا
و نحن شخصيا راح نروح عندهم و ناخذ التلفون و راح نعطيهم تلفون جديد

قلت له اوكي مافي اي مشكلة ,,
الوالد عندة اصدقاء ايطاليين و كلمهم بخصوص التلفون لانه لازم يكون عنوان ايطالي و وافق على طول و قال انه بيساعدني بالموضوع ...

ارسلت التلفون عن طريق الـ ارامكس
الـDHL قوانينة صعبة جدا و ياخذون مبلغ كبير جدا تقريبا 800 درهم
بينما ارامكس بـ 200 درهم

ارسلت التلفون لـ ايطاليا و الحمد لله وصل بالسلامة :o و ارسلت للشخص ذاتة ايميل عن عنوان صديق والدي و رقم الشكوى مرفقة بالرسالة

راحوا شخصيا اخذو التلفون و بعد 3 ايام اعطوهم تلفون جديد
و الحين جاي بالطريق ...

حبيت جدا طريقة تعاملهم مع الزبائن
فعلا ناس تخاف على سمعهتم و يهمهم كل شي يخص الزبائن

حبيت اسرد لكم القصة بحال صار معاكم اي مشكلة بالـ iPhone
راجعو من وين اشتريتوه خصوصي اذا كان التلفون مفتوح رسميا

تحياتي لكن
اختكم .. وجــــ الخير ـــــــه
:rose: