|
سالفة:الكرم والفقر..قوافي http://t3.gstatic.com/images?q=tbn:A...Xc7zkhYgE7jM71 مشرفينا،أخواني،أخواتي،زوارنا صبحكم/ مساكم الله بكل خير من القديم والواقع الأليم والفقر اللذي ليس له رديم لا من قريب ولا من بعيد ،هذه السالفه ويوجد غيرها الكثير من المواقف مع هذا وهذا من مرة بهم الايام كثواني والواقع كحال لا مفر منه.. كان فيه بيت شعر بباديتنا الغاليه يسكن فيه سيده كبيره بالسن ومعها ابنتها شابه وراعي البيت كان في سفر لطلب الرزق.. البيت مظهره من اول ماتقع عليه العين يوحي بفقر اهله وحالتهم المترديه.. بليله سمعو صوت ينادي،، ويوم ردت العجوز والين اللي ينادي ضيف ،رحبت وأدخلت الضيف بجهة الضيوف وطلبت منه يشب الضو ويتقهوا لين يجهز العشاء.. وراحت العجوز للبنت وهي تصفق كف بكف مافيه ولا تمره بالبيت تقدم وتقول للبنت ياسواد وجهك يابو فلان تعاني زوجها اللي غايب ،وتصيح من القهر وش اسوي وش اقدم :f حس الضيف ان فيه شي وسمع العجوز وهي تقول لبنته روحي للفلان واطلبي منهم حق الضيف الين يجي راعي البيت ونرجع لهم ما اخذنا لكن لا ينام ضيفنا من غير عشا .. قالت البنت يمه وشلون اروح يمهم وانا رفضت راعي البيت زوج لي !! قالت العجوز: روحي واللي يطلبه جاه المهم الضيف.. راحت البنت تمشي ومشى وراها الضيف من غير ما تحس العجوز ونادى على البنت يوم ابعدو شوي عن البيت وقال: انا سمعت ما صار وضيافتي اخذتها خلاص وباقي لي طلب ابسألك عنه قالت اسال: قال ليه ماتبين تعرسين على اللي امك ارسلتك له تاخذين منه ذبيحه ؟؟ قالت: له من الغلا جبال ومن المكان وديان وشعبان لكن لجل عين تكرم مدينه ،حرمته الثالثه أشد من أختي واعرف معزة ابو فلان عندها والحرمه الرابعه اللي بتجي تحرها هي وآخاف على زعلها ولا أبي هالشي يجي مني انا لو انه آخر الرجال .. قال: بيض الله وجهتس يابنت الناس وتراي شراي ويالله ننكس للبيت .. رجعو البنت والضيف للبيت وعلمو العجوز وش صار وقال انا ابي بنتكم لي زوجه وابنتظر راعي البيت بمكان قريب منكم لين يجي وبعد فتره جا راعي البيت وتم العرس وكانت معروفه بانها تحسن اكرام الضيف بوجود زوجها وبغيابه .. تحياتي اختكم ..قوافي.. |
| الساعة الآن 01:30 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir