اخطاء يمراسها الصيادين والمتنزهين و مرتادي السواحل ( للاسف )
 

السلام عليكم احبتي في الله

عندي موضوع يدور بخاطري وحاب اشارككم به
بصراحه الموضوع مزعج
وهو عباره عن ممارسات واشياء يفعلها الصيادين ومرتادي السواحل

منها على سبيل المثال .
_ترك القمامه اجلكم الله مثل رمي الاكياس والزجاج والعلب الفارغة بالبحر
_رمي بقايا الطعام بالبحر وخاصة الاطعمه الي تحتوي على بهارات او ذات روائح نفاذه مثل الثوم والمايونيز و و و الموا هذي كلها تنفر الاسماك من المنطقه وتجذب الاسماك القمامه للشاطى .
_بعض الشباب هداهم الله يستخدم للتسمير بالبحر ( سمر ) يستخم التونه المعلبه وهذي مشكله الزيت الموجود بعلب التونه يجذب الاسماك القمامه للشاطى والاسماك القمامه اذا جت بمكان راح يختفي منه الصيد .
_ رمي السنناير او الاهواك بالشاطى السنناير هذي خطيره لما يدعس عليها احد بعدك وهو يتمشى بالساحل . وكمان رمي الزوائد من الخيوط وتصير على شكل كوره ومشربكه وهي خطيره كمان لما يدعس عليها شخص مسرع خاصة الاطفال ( المفروض تحط السنناير وزوائد الخيوط الغير صالحه بعلبه وترميها باقرب برميل قمامه اجلكم الله .

ماكنت اشوف الاشياء هذي بسواحلنا الجميله قبل اكثر من 20 سنه
الان للاسف كثرت وتوسعت بشكل كبير
اوقات والله اتمنى ان البحر مقفل عن الجميع حتى ما نشوف الاشياء هذي .

شي يقهر والله يااخوان . شكرا واعذروني شي من ما بخاطري وحبيت اشارككم به .