الشاعر,,,يوسف بن ناصربن عبدالعزيزبن عبدالرحمن بن عمار.
 

#poem_510d64ceae903 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} ينوض في غر الوسوم المباكير ينوض برقه والرعد فيه يرفاه ردم طهاه وزبر المزن تزبير ريعله الشرقي لما زان مبناه بامر الكريم ينثر الماء شخاتير عمام طمام الوطا لا تمثناه اربع ليال حاشر للمعابير بامر الكريم و رحمتله رجيناه تعم رحماته و لا فيه تدمير عم الوطن سيله من ادناه لقصاه كلن من الفرحه يسوق التباشير نهار سابع بان للنبت مبداه تبينت بالقاع نوع المخاضير وفي كل عاشر هاتف الوبل سقاه لما تعلى العشب روس العثامير الروض يشبه زاهي الزل حلياه تخالطت بالروض زين النواوير راع الغنم قدام بيته معشاه والبل يركبها سواة المقاصير و ليامضى سبعين ليله لقيناه نلقا الزبيدي زامي بالمحاجير يامحلى لا قالوا الربع ننصاه ركبو اجموس كملت للمشاوير هم منوة اللي بالولع قلبه اشقاه يشفق على خوة رجال مناعير ابوفهد هو مسندي لا عدمناه حلال عسرات الامور المعاسير وابوحمود بالمواجيب نلقاه نلقاه ذخر لليال المدابير ياماحلا المقناص بارض خبرناه ارض خلاء ماداج فيها الدواوير تلقابها الحفان يختال بخطاه اوهذى مراتيع او هذى مخامير شقران هد وطاوي البعد يقفاه الجمس جاله مع طريقه معاصير عدل المناكب يعجبنك سجاياه جبناه من جملة حرار مغاتير عرض بطول كاثرات مناياه سوه على اللي نفش الريش ويزير بالمخلب الساطي اكبار هواياه ومن العدم نثر ثناديه تنثير وقت المضحاء صار للكيف مشهاه ابو بخيت كثر النار تكثير ودلال بغداد على النار مركاه فنجالها يشبه اخضاب الغنادير شلنا صلاه العصر يازين ممشاه نبي العشا في هدة العصر و عصير و تطلع القرناس و عينه لمدلاه وجه حديد ا و ناضرن شعله الكير قالوا طلع و الطلع مابه امراواه طلعه طيار صوب هاك المزابير جول هريب او نازح البعد عداه ادلى او سوابه اسواة الجزازير وقت المعشا جزل الارطاء جمعناه لنار تشادي فايرات التنانير و من الشبب كل تناول بيمناه اكبار الثنادي تارسات المواخير و سوالف يطرب له البال جبناه وزان السمرفي ذكر عنتر مع الزير مقناصنا عشرين يوم قضيناه فرحه او تمت للوجيه المسافير يا الله يا للي كل حي ترجاه ياعاقل يوسف على اهله من البير انك توفقنا السلامه طلبناه بعدة سنين نجتمع به على خير او صلاه ربي عد من حج لرضاه اعداد من يبداء صلاته ابتكبير على نبي حارب الشرك و انهاه صلوا معي ياسامعين التذاكير