منتدى استراحات زايد - وقفة شمووووخ وكبرياء :)

السلام عليكم ورحمة الله وبركاته

وش اخباركم عساكم طيبين حبيت اطرح عليكم هاذي الصوره لــــــ الطير صدام الله

يحفظه لراعيه وارجو ان تنال اعجابكم :)

http://im35.gulfup.com/BxLJ1.jpg

الطير له ميزات ياعاشق الطير = مثايلن للطير دايم مهمات

كلن على قده من أصغير وأكبير = والفعل حظن من بديع السموات

وانا مرادي فالحرار المغاتير = حرن تميز به عن الغير ميزات

من موكرن وسط الجبال المشاهير = جبال فارس له مقر ومحطات

ماهوب تهجينن ولاهو من الجير= ولاهوب مدغوشن ولا فيه شكات

اشعل ظهر والراس لون الطباشير = صدره مسرح والدواغر مضيحات

صافي ووجهه يا صباح التباشير = ماودك تشوفه عيونن كريهات

وعينه اذا شخص تحرابها الخير = عين الشجاع اللي تنومس بهيات

عاري ولاهو من طوال المناسير = أقطم وله فتحات خشم وسيعات

له عاتقن يفرق جماله عن الغير = وأكحوف من فوق الجواهر مظلات

مناكبه عن كل صدره مواخير = بارز نحر فيه الثنادي عريضات

طوالن مواوّيه غرام الصقاقير = ومشددن من ريشته سبع ريشات

جبره فخوذه هجر وكراعه أقصير = كبسن كفوفه والأصابع جليلات

صوايده تشبه لحد البواتير = تضفي سراويله على الكف زافات

شليله ثريا بلون النواوير = لاشرها طاير تقل فيه لمبّات

ماهو خساره فيه دفع الدنانير = يسوى ميات ألوف وألوف وميات

هذا مرادي يالوجيه المسافير = وترى غرام النفس مايشبع الذات

الشاعر : فهد رفاعي