منتدى استراحات زايد - الطير يهل الطير يبغى لزومي

هاذي أبيات بسيطه قلتها بعد ما صار موقف بيني وبين صقّارة الجير ومثل ما تعرفون سوالف ومزاباه نترككم معها عسى ان تنال إحجابكم

الطير يهل الطير يبغى لزومي
تفكر معى نفسه وتذهب حسوسه

اما عبر طاريه عند القرومي
ولا عطه سبقه معى خفق موسه

يوم البعض طيره يغزز لحومي
وعلى طريق البدع تلقى دسوسه

انا مكاني دون وصله رجومي
ما تاصله اهل العيون النعوسه

طيري وحش يهل الطيور الرخومي
متكي ولا لألهم بحماي دوسه

لامن تقفى الخرب ذاك العزومي
لي نايرٍ من حاذتين معكوسه

ما رد راعيّه مكسمل ندومي
وقف مكانه والتشهد نفوسه

اقبل عليه تقول من عقب حومي
وخلى جناحينه تخالف نكوسه

هذا الوحش هو غاية اللي يسومي
وغيره حرام البعض يخسر فلوسه

والجير كنه يا عرب ديك رومي
ما تفرقه لوهو يعشى سبوسه