اغسل قلبها وامسح ذنبها تنعم بحبها
 

السلام عليكم

البنت مخلوقة رقيقة صاحبة مشاعر
كثيرآ ماكانت مشاعرها سبب انكسارها
هي الام التي تحرم نفسها من اجل ابنائها
وهي البنت التي تنال النصيب الاكبر من حب ابائها
وهي الحبيبة وهي العشيقة وهي الزوجة
هي التي يبذل لها الخطاب كل غالي
لكن
اذا اخطئت
كفرت في عيونا
ويمكن مانرحمها ولا ننسى
ليش انزين هي مب بشر تخطأ وتصيب
مب انسانه تزل عن الصواب
اليوم تناقشت مع شاب
حول فتاة تعرفت على شاب يتزوجها ويستر عليها ولا لا
قال هي ماقدرت تحافظ على عمرها كيف بتحفظ بيتها وريلها
وكيف بتحفظ بناتها ؟
في نظري رأي الولد غلط ((مادري برايكم ))

بعطيك مثال من الحياة

ربيعي يداوم ويايه كان في يوم يشرب وعنده شقة وكان يوم يحصل فلوس يطلع ويا البنات ويوم فقري ييلس في البيت يطالع افلام قضى حياته كلها بهاي الطريقة ومن فترة تعرف على بنت قامت تطلع وياه صداقة يوم عنده يعطيها ويوم ماعنده عادي وكان يصرف عليها بالهبل الله اراد ان يهديه في يوم كان يالس وياها يشرب في الشقة وتوه مخلص ومريح بروحه يقول مادري شو ياني سرت دخلت النت وقريت عن الاغتسال من الجنابة وفعلا دخلت الحمام واغتسلت وطلعت لابس كندورة وقلت لها قومي بنروح ركبت السيارة وطول الدرب انا ساكت ما اكلمها يوم وصلتها بنزلها قالت عطني بوسة يقول جان افتن عليها انزلي؟ نزلت البنت يقول وسرت البيت الساعة كانت تقريبآ العشر وطالعت الجواز ثراه منتهي قلت خير الين باجر ورقدت ونشيت الفجر صليت (( اول مرة اصلي الفجر )) وسرت الجوازات وجددت جوازري وانا راد هي تتصل ما ارد عليها طرشت مسج تحلفني ارد عليها ورديت قالت فلان شو فيك قال لها انا بتوب خلاص اليوم بسير العمر وبغير دربي يقول يوم انا واصل عند بيتنا الا مسج واصلني فلان انا ابا اتوب بعد من البنت وتقول فيها تقبل تتزوجني لو اتوب يقول اتصلت بها قلت لها لو بتوبين والله باخذج قالت عيل والله بتوب مثلك يقول دخلت ارتب اغراضي عقب فكرت ليش ما أأخر العمرة الين ما اتزوجها وعقب نسير مرة وحدة على الغداء كلمت امي انا ابغي اخطب اخت مرت ربيعي في خاطري واباها يقول انا يتيم اب وهي يتيمه ...واتصلت بها وقلت لها ان امي بتي تخطبج اليوم وفعلاسارت امي تخطبها وطبعآ ام البنت وافقت مبدئسآ على الامر بس قالت بنرد عليكم عقب ...وطافت 6 ايام بطيئة وعقب ردت الام تعالوا اقربوا وتقربنا ...وتشرطت الام ...كنت يالس انا والبنت وام البنتوامي ....قلت لها عمتي اناما اقدر الشروط وايد وانا مابا اعق عمري في ديون ...اخر شي يقول اتفقنا على مهر 20 الف مثل ماحدد ولي الامر + ساعة ودبلة وعقد + 30 زهاب + عرس في ام المؤمنين ....ببقول دفعت انا عشرين مهر والزهاب البنت تصرفت لانها موظفة وراتبها قوي ..والعرس تناصفناه الحين انا ساكن وياهم وسرت 3 مرات العمرة ومرتين حج ....الحمدلله الله رزقني بولد وبنتين ...حرمتي مبمقصرة معاي في اي شي ولا اشوف منها اي شي

هاي قصة انا حضرتها وشفت تفاصيلها ((اترخصت من الريال اكتبها قبل ما اكتب ))

الحياة تحتاج فرص

بعض الاخوات اخطئن لكن يستحقن الفرصة!

مثال ثاني واخير شخص اعرفه خطب بنت وهو يدري انها مفتوحه
لكن ماصار نصيب لان اهل البنت مصررين على 150 الف مهر

الحياة تحتاج تضحيات


ونصيحة الى كل بنت غلطت دوري ريال يسترج لو حرمة ثانية ولا تقبلين تلعبين مع الشباب وتقولين مشاكل مع حرمته وانا اغار

مشاكل مع حرمته في الدنيا ولا مشاكل الاخرة والحساب والنار والعقاب الاليم


في انتظار مناقشتكم
.

اللي بيقولي انت تقبل اقوله نعم انا خطبت بنت تبغي الستر لكن صارت ظروف صيانه البيت وشروط اهلها وما قدرت اكمل الزواج

الصراحـه كفو عليييك .. صدق انك شهم ..

وانا لو كنت ريال برضى بالشي لن شو احسن من الستر والله يسترنا في الدنيا و الأخره

وتسلم على المووضوع ولا هنت