منتدى استراحات زايد - سالفة :البشاره..قوافي

السلام عليكم ورحمة الله وبركاته

أخواني أخواتي زوار خيمتنا الحبيبه ومكشاتي الغاليه

حياكم الله

من العوايد القديمه واللي ضاعت وما عاد لها ذكر

(البشاره)

البشاره يعني تبشر جيرانك او اقاربك بشي زين صار عندكم او مولود جديد جاكم ويعطونك حق البشاره حلاو قريض او اي شي ..

والبشاره هذي مهنة البزران يفرحون ويطيرون للجيران عشان ياخذون اللي يعطونهم ولها فرحه خاصه رغم ان البيت والحمد لله مليان من كل خير ونعمه ..

بيوم ارسلت وحده من قريباتي رحمها الله من يبشرنا بمولود جديد لهم وبما أن الجيران كانو يجون لنا فهم يعرفونهم

ارسلتني امي للجيران ولبيت ام فلان بالتحديد اعلمهم ،وبصراحه ما كان ودي اروح،، عندهم دجاج :D

وصلت وطقيت الباب واسمع صوت هواش مابين الام والابو :eek:،،

عاد موب ارجع واجي وقت ثاني لأ لازم انفذ المطلوب واطق واطق لين فتحولي الباب

وادخل والين ابليس بهاك الساعه مترزز بكل مكان وباين ان الخلاف كبير ولا هوب وقت بشاير ولا مواليد ،،

قلت :

أم فلان

قالت:أيه وش تبين:f

تـــــقــــــول أمـــــــي

أن فلانه بنت فلانه جابت والــــد:)..

يوم شفته ماتحركت قلت ابي البشاره

قالت:

وشييييييي وش تبين ولا جمبه طاسه او غظاره به ماء وثلج

خوذي بشارتس :confused:

طلعت من عندهم وكلي ماء وفوق راسي كسرة ثلج ما ماعت مع الشر هقوتي جمدت زود..

ويوم جا من بكره جت لنا بالبيت يقالك تبي تعذر بس وش عقبه لا تجي ازين،،وجايبتن قريض بشارتي

،،وعقبه لو يجي كل دقيقه بزر مارحت ابشر احد ولا أبي بشاير ولاطاسات ولا غضاير..

تحياتي

اختكم

..قوافي..