ليش التوليف في جميع السيارات ؟؟؟؟؟؟؟؟
 

السلام عليكم ورحمة الله وبركاته،،،

اخواني ابي افهم سبب التوليف في السيارات يعني ترهيم قطع ليست للسيارة هل هو:
1- بسبب التكلفة يعني قطع الغيار المركبة في السيارة اغلى من المعتاد.
2- او انك ناوي تستخدم السيارة استخدام خارج عن سبب اقتناء السيارة
حاب اعلق على النقطة هذه بما يلي انا اعرف واحد اشترى فياقرة ويوم عطل المساعد حق الهواء راح قلب السيارة كلها مساعدات عادية والله لايوريكم عقب ماكانت السيارة تمشي فيها وانت معزول تماما عن الاصوات الخارجية صارت انواع القرقعة داخلها مع المطبات سألته ليش سويت كذا قال ياخي ابي اريح راسي من الدوخة كل يوم ضارب علي واحد سألته قلتله ان تركب جديد قال لا مجدد قلتله ياخي الورش جاس تلعب علينا بالمجدد واجتاهادات مالها داعي لو مركب اصلي كان يمديك ارتحت وسيارتك ضلت على وكالتها مادام انك تبي الفشخرة وبتكلفة بسيطة مدور على نوع سيارة ثاني قال وشي قلت اي سيارة تصمد امام استخدامك سكت وقال ابي سيارة كشخه
العبرة من الكلام ان فيه بعض السيارات له استخدامها ولها ناسها مع احترامي لكم جميعا اقصد ناس مايهمه لو ركب مساعد قيمته ثلاث الاف او اربعة
انا سافرت اوربا وشفت كيف طبيعة الناس وكيف القرار ياخذه لو بغى مو بس يشري سيارة لو بغى انشاء الله يشري غسالة ملابس.
الشي الثاني اشتريت سيارة يوكون وقالي صاحبها القديم اني مرهم طرمبة البنزين مخليها فكس ار ارتحت ياشيخ من القلق ووجع الراس المهم مارتحت للوضع رحت لميكانيكي وفتحت الطرمبة والله ياخواني يوم فكيناها طلعت الطرمبة زي النار واحرقت يد الرجال وقال الحمد لله ان سيارتك مااحترقت هذه واقعة صارت لي وحبيت اذكرها .
3-حب الاختراع والموهبة الزايدة

لا تقولون اني راع محل او راعي ورشة انا انسان عادي حالي حالكم بس حبيت انبه للنقطه
واحب انكم تشاركوني الرأي والتصويت على نقطتين
نعم ، مع التوليف
لا ، ضد التوليف