منتدى استراحات زايد - من كواليس شركات الاستضافة .. شر البليه ما يضحك

السلام عليكم ورحمة الله وبركاته

اليوم جايكم شوي بخرج عن الرسميات وبعطيكم بعض الاحداث اللي تصير ويانا نحنا راعين شركات الاستضافة

ومثل ما يقلون شر البليه ما يضحك

مع اصدار النسخة الجديدة من الشات الكتابي قلنا بنحط شات تجربة للزوار وللمراقبين لاجل اي احد يبي شات كتابي يجرب المميزات وقلنا اكيد هالشي بيريح العميل قبل لا ياخذ الخدمة

وهنا بدأت الحكاية .

وضعنا الشات الكتابي للمراقبين وللزوار مع البينات

اول يوم دخلت اجد بينات الماستر مغيرة ويا كثر ما تتغير( اللي يستفزك ما تدري ليش مغيرها ) :nosweat:

قلنا ما يهم نرجع نغيرها للافتراضية

نيجي ثاني يوم مغيرين اسماء الرومات لاسماء مواقعهم ( قلنا ماشي مافي اي مشاكل نرجع نحطها الافتراضية )

ثالث يوم بدينا نتعمق شوي شوي شخص داخل وحادف الابتسمات والاختصارات ما ادري هالحقد علي هالشات ليش يصل لكذا :tears:

رابع يوم وجدنا شخص داخل ومغير اسماء الرومات ورسالة الترحيب وكل شي ويسب فيها :nosweat:

قلنا كله تحملناه

لكن القوية اليوم ادخل الاقي واحد ماخذ الكود ومركبه في موقعه ومغير بينات الماستر والرجال جالس يوزع علي ربعه مراقبين وسوابر والشات شغال ياخي حين دخلت الشات ما عرفته فكرت نفسي داخل موقع بالغلط :evil_lol:

فصراحة قلت اوسع صدركم شوي باللي يصير ويانا وهذه بعض من كواليس الشركات

سؤالي متي يرتقي بعض المستخدمون العرب للتعامل الراقي علي شبكة الانترنت