منتدى استراحات زايد - في سرمدي الليل والبرد قااارس ...

صباح البررررد :)
.
.
ــــــــــــــــــــــــــــــــــــــــــــ
.

في سرمدي اللـــــيل والبرد قــــارس

............ والريح تنفــــض غيظها بالشــبابيك

سهرت كنّي لأقـــــــشر الهم حـــــارس

............ اراقــــب الســــاعه متى يــذّن الديك

في ليلةٍ تسبق صبــــــاح المــــــدارس

............ وشلون اداوم ياعيـــــون الصعــاليك

تبــعثرت كل الكــــتب بالفـــهـــــارس

............ و تشربكت من فوق هاك الشــرابيك

وانا احاول قد ما اقدر وامــــــــارس

............ تصليح وضعي بين هذي وهـــــذيك

تبتزّني ذكرى الرســــوم الــــدوارس

............ واسوق نفسي في هواها دواليـــــك

واقول وش جرّى طيور النــــــوارس

............ تفنــي زمنهـــــا في بحور التــهالـيك

من اشتبه عنده اغسطس ومــــــارس

............ شاف الحقايق كلها بعين تشكــــيك

والرجلي اللي طاح بيدين فــــارس

............ قل له تحرّ الموت ماعاد يمـــــديك

مــاكل غـــرسٍ تنبـــته كــــفّ غـارس

............ ولا كل صوتٍ يستحق قـــول لبــيك
.
.
.
.