يناديني شعور الطير لا فل الجناح وطار !
 

#poem_50f5c84e2ea21 td {font-family: 'Times New Roman', Times, serif;font-size: large;font-weight: bold;} تعلى لين غاب بعين تباعه وناضوره فرد جنحانه وصار يتهزع يمنة ويسار يشوف الارض من تحته جبال وناس منثورة احب البر من صغري ولاني يا عرب صقار تشوقه هدة الشيهان والتلويح لطيوره اشم من الهواء العذري ويطربني شبوب النار واهيجن كيف ما ودي وحط الرمل سبوره وادوج بالفياظ المختلط عشبه مع النوار بعد مالوسم ساقاها وتو الارض ممطوره ثراها عطر فواح وتعانق مع بخور ظفار يا زين الريح لا هب النسيم وحرك زهوره يلومون المعنى لا طلع واقفى عن الانظار يبي يبعد عن الزحمة وسور البيت وقصوره ابسمع للطيور ليا تلاقة داخل الاشجار على حزة مغيب الشمس لامنه خفة نوره اباذن رافع صوتي واحس بمتعة الاذكار واصلي في فضا ربي خشوع ونفس مكسوره احاسب نفسي بنفسي واشوف ان الليالي قصار وافكر وين راح الي سبقني وانتها دوره احاسيسي اترجمها قصايد والهجوس اسرار واشكلها على مقصد هواي... الصوت والصوره احب الناس واحشمهم ولا لي بالقصور اعذار وانقي من حروفي ما يثير القلب وشعوره