ابشركم حليت مشكلة الرمي وصعوبة التشغيل بالباترول ببلاش وبنفسي امتدادا لموضوعي السابق http://www.mekshat.com/vb/showthread.php?t=555298 اللي هو عدم اشتغال الموتر من اول دقه مع العلم انه بخاخ وكذلك مشكلة رمي الشكمان وبعد المرور باكثر من ورشه وكلهم يقولون افحص كمبيوتر وانا شخصيا ما اقتنعت بكلامهم وهذا دليل جهلهم ، وبفضل الله ثم مكشات اللي نورني في كثير من الامور حتى اكتسبت الخبره فكرت كثير في المشكلة وبلخصها لكم في قليل : اولا المشكلة هي عدم وجود احتراق كامل . الموتر يحتاج عشان يشتغل بنزين وهوا وشراره بنسبه موزونه . واذا اختل احدها فتاكد انك راح تواجه تفتفه ودخنه سوداء طبعا تاكدت اولا من مجاري البنزين لقيته يوصل بنزين بشكل ممتاز من التانكي والطرمبة والصفايه والبخاخات تاكدت من الهواء من الفلتر الى الحساس والثروتل ولقيتها منتازه الحين بقي شي واحد اللي هو الشرارة قلت ابدا بالاسهل وهي الديلكو، فتحت غطا الديلكو وكان اذا طمرت مويه او شي يدخله رذاذ ماء يتفتف شوي ويرجع ومع كثر الماء اللي دخل ترسب في الطين والاملاح على ( اربع قطع معدنيه داخل الغطا ) قمت بتنظيف الاربع القطع المعدنيه وهي اللي تنقل الشراره وقمت بتنظيف الديلكو من الاوساخ وحطيت سيلكون ع اطراف الغطا وطبقته النتيجه اشتغل الموتر من اول دقه واحسن من اول وزان عزمه وراح الرمي والحمد لله ع كل حال الفائده ؛ لاتستعجل بحل المشكله وانتبه من الورش نصااااابين ، فكر كثيرا قبل الحل وابدا بالاسهل ، يازين السيارات القديمه الخالية من التعقيد والشغلات المبهذله علما ان الموتر باترول سوبر 99 |
الساعة الآن 02:43 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir