مقتطفات
 

السلام عليكم ورحمة الله وبركاته

وبعد بحكم الانشغال عن القصائد ذات النفس الطويل حبيت اشارككم بمقتطفات عباره عن بيتين الى خمس ابيات اتمنى تنال رضاكم

همي اللي لجى بين الظلوع وتلوى
انحنى بالحشى واستوطن القلب بيته
واستقر بمقره والسبب جنس حوى
ليت قلبي تنحى عن هوى الغيد ليته
كنت احسب الهوى سجه واثره يتقوى
لين يقوى ولامنه قوى ماقويته
يشغل الهاجس اللي كل ماسج دوى
باسمه اللي نقشته بالحشى مامحيته
عقبه ارقى الرجوم النايفه واتهوى
لجل يبرد حشاي اللي بحبه كويته
مسني منه خير ومسني منه سوى
وان بغيته بساعة ظيقتي مالقيته


اجتمعنا بموقف والمواقف صعاب
وقفتن ثقلها من ثقل سلمى وجى
يوم خيم على الصدر الوسيع الضباب
وقال في غير رب البيت خاب الرجى
ساقها الله سوق محملات السحاب
ومن دعى الله وهو مظلوم بامره نجى


لايازمن تغير الطبع والذات
ازريت اميز صاحبي من عدوي
خلان لاصارت سهود وسهلات
واغراب لامن عكر الوقت جوي
فيهم لعسرات المطاليب هفوات
وعلى البسيطه طيب نفسن وقوي


ماخلقت ازعل ناس واكسب رضى ناس
ولاخلقت اسمي صاحبي من عدوي
انا على دنياي طرقي وعساس
وفي طاعت الله قيس ظعفي وقوي