فلانه من الحـــــب مجروحــــه
السلام عليكم و رحمة الله و بركاته انا حابه اعرض عليكم قصتي الحزينه الي تعور القلب و قولوا لي اذا انا غلطت لان لين اليوم ضميري مب مرتاح و احس اني انا غلطانه

يلا بنبداا
قبل سنتين تقريبا انا كنت احب واحد و وكان الفرق بيننا 6 سنين يعني فرق كبير فالعمر و انا كنت اكره الشباب و كنت مرابعه وحده و هالوحده كانت اترمس شباب و بعدين قالتلي بعرفج قلتلها مابا فعطت رقمي حق واحد اخوو ربيعها وكان عندنا رحله فالمدرسه مول الامارات و بعدين هو اتصل و هي كانت يالسه عدالي قلتلها رقم غريب ردي لاني اخاف وهي جافت الرقم و ظحكت فرديت و تميت ساكته و بعدين تم يقوول الوو و انا ساكته و بعدين فجأه قال اسمي و وعلامات الصدمه و الخوف ع ويهي ف انا عقيت السماعه عليها و قلتلها انا ماباااه بعدين قالتلي رمسيه مره فرمسته و انا طبعا ماشي اسلوب ويا الشباب ماعرف كيف يرمسووونهم ف بكل دفاااشه قلت الووو قالي شحالج و جيه و بعدين كان يتصل و انا كنت ارد لان ظروفي صعبه فالبيت لان امي لاهيه عني وراا خوااتي و ابوي كله فالشغل و اخوي يلوومني لان ما عنده اخواان و يقولي ليش انتي مب ولد و ها قدر و مكتووووب ف ما حصلت حد يعطيني الحنان الي كنت اباه فكلمته و هو كان ما يعطيني ويه بعد مرور اسبوع قالي ابا رصيد و انا مب من طبعي ارد حد فخذتله و بعدين طلبها مرتين و ثلاث و اربع و خذها عااده اني انا اخذ له رصيد لان شافني بديت اتعلق فيه و شوي شوي مرت الايام بيننا و ماكان يعطيني وااايد من وقته وااايد عليه ساعه فاليووووم ها الحد الاقصى و بعدين صااارحته بحبي و طبعن هو يسايرني يقولي انا بعد احبج وفي يوم من الايام اتصل العصر وقالي انا مسوونلج مفجأه و انا استغربت قلت ما حيده يسويلي مفاجأت قلتله شووو قالي انا بييج بوظبيو انا اصيييح من الفرحه و ترجييت امي توديني قالتلي مشغوله و ابوي نفس الشي و ما بيخلوني اسير ويا الدريول بروحي ف خبرت اربيعتيه تخطف عليه و هم يبوون الفكه من حشرتيه قالولي رووحي (طبعا هاي اربيعتيه الروح بالروح و امي تعرف اهلها وايد زين) فسرت المول و جفته واربيعتيه جافته بس من بعيييد طبعا و اربيعتيه تمت تتمصخر اتقولي انتي بيضه و هووو اســـــمـــــر وتقريبا خال و انا ما شفته بالصوره الي هي شافته جفته حلووو ممادري ليش كان يعيبني اسلوووبه و بعدين اتصلي قالي تعالي ركبي وياي السياره و بعطيج بوسه و بعطيج هديه وانا من حقي اخاف ع عمري فشردت وكل ما يتصل ما ارد و انتهى هاليوم ع خير و في هذيج الايام كانوا اهليه يشلوون تلفوووني و ايام المدرسه ويردوونه اربعاء و خميس وجمعه و ايام الاسبوع كنت اكلمه من تلفون بيتنا وفي يوم من الايام كنت ارمس اخووه و اتخبر عنه ليش ما يرد و اخوه كان يتخبرني عن اربيعتيه الي هي اربيعته فقلتله ترمس شباب وماتباك فأبوي سمع الرمسه بعدين انا كنت ميته خوووف هو ما قال شي ركبني وياه فالسياره و قالي انا قصرت وياج ف شي قلتله لا قالي ليش ترمسين قلتله مادري قالي اتصلي حق الي ترمسينه و قوليله اني عرفت ولا ترمسينه و انا هذاك الوقت كنت متعلقه فيه يعني ماقدر اخليه فقلت حق ابوي اوك و قصيت عليه و انا وعدته وماكان يهمني كلام حد عني لاني كنت اكلمه و بعدين كملت وياه اياام عقب شهرين من عقب ما ابوي عرف اخوي شاف رقمه ودخل عليه الحجره و قفل الباب بالمفتاح و حط المفتاح فمخباه و كان لابس عقال ع راسه و طلع من مخبااه اررربع سجااجين و حدااايد يحطوونهن بالأيد عشان يوم يظرب حد بووكس يعوووره فأنا كنت خاااايفه من الداخل بس اتظاهر ع اني شجعه قلتله شو تبا و قالي اول شي اذا ما احترمتيني بتتقطعين و انا كنت اتحسب عرف اني ارمس واحد فارتحت و قال ثاااني شي وهني قلت طززز قالي منو ها الي ترمسينه قلتله منووو قالي 050******* انا سكتت ولا كلمه فقلتله ماعرفه قالي شوو وانا فهمتها ان لو ما رمست بتصفع فخبرته وقالي ويانا فالمدرسه فأنا قلتله لا قالي لو كان فالمدرسه بيتصفع و انتي قبله و تم يتخبر عنه و انا تميت اخرط عليه و اقوله كل شي جذب ف يوم خبرت الحبيب الغالي قالي خليه يولي طز فيه وقلتله اخويه هددني و قالي اذا ما انفذ طلباته بيخبر امي…وبعد مرور اسبوعين بدت اجازة الصيف و ع شهر سبعه كننا متواعدين انا و هو فالمارينا و كان ياي ويا اربيعه يعني اتخيلوا من شهر 2ليين شعر 7 والله عذاب المهم انا كان عندي تلفوون و بدلته لان كان يبا التلفون الي عندي و كان يبا 3000 و انا عطيته لاني ما اجووف غيره بهالدنيا و كل شي كان يفداه فسرت وياه صوب الباركنات و ووقفت عداله و الي رايح و الي ياي يطالعنا عطيته اغراضه و قلتله شحالك و من هالرمسه وبعدين سرت عند امي...و بعد فتره هو كان ما يرمسني الا مره كل يومين و يليته يطول ربع ساعه و يبند من هذاك الوقت بديت انجرح وكله اقول ماعلييه ظرووف وتمت اصبر و اصبر و اصبر لكن سكتت و بعدها بكم اسبوع طلب مني شي و



متوقع و عارف اني برفضه لان انا مب مال هالحركاات فتم يحسسني بالذنب و يقولي انتي ما تحبيني و الشي الي كان
فخاطريه ماعطيتيني فأنا قلت برااايه خلي يولي ما بسويه و عاد اونه يتغلى ما يرد ولا يتصل فقلت ازمه و تعدي بعدين تم
يترجان و قلتله هاي اجابتي و ما بغيرها جان يقولي يعني عادي اسويها ويا غيرج قلتله هيه(طبعا فهمتوا شو يبا ما يبالها تفكير) قالي يمكن عقب احبها و اتعلق فيها و تقولي اودرج قلتله انت لو تحبني ما بتطلب مني شي خااايس مثل هاي قالي تعبان قلتله مشكلتك سكت و عقب هذاك اليوم حسيييته كرهني بس المشكله اني كرهت عيشتي لاني ديته فحبيته زياااده و كنت مييييته بهوااه و بعدين تم ما يرمسني و كنت من اول ما طلب صيد لين هذاك اليوم بعدني اطرشله رصيد كل يوم او يومين 100 و انا طالبه فالمدرسه و ماعندي راس مال ومن كثر ماحبه كنت اييب حتى لو اتسلفوكان يخلصهن و يقول ع ربعه وانا كنت اقوووله حلال عليك و بعدين ع آخر الاجازه ودوننا صلاله ما يستوي اتصل حق حد و هو ما يتصلي الا مره كل 3 ايام لان يلسنا اسبوع وقبل ما انسافر دخلتله 500 و دخلت حق عمري 150 و المفروض العكس وبعدين كنت متولهه عليه موت فطرشتله رساله من تلفون امي و نسيت امسحها و كتبتله فيها(افا يا عبود ليش ما تسأل عني احبك موت) ة امي قرت الرساله وقالت منو ها و خبرتها الصدق لاني كنت خايفه و قالتلي لا ترمسينه قلتلها اوكي وطبعا انا عنيده و احبه يعني (عناد+حب= جنووون) ويوم رديت و سألته ليش ما تتصل قالي سوري و كنت مشغول و قلتله اووكي و بعدين كان يقولي اهلج عندهم فلووس و مدخلينج مدرسه خاصه و ابوج مدير وكذا وكذا وكذا فقلتله الحمدلله ع كل حال
وجان يقووولي المشكله انتوا تلعبوون بالفلوس و غيركم ما يحصل شي و عوور قلبي فقلتله شو فخاطرك قالي بعدل سيارتيه و هو عنده سياره
كحياانه مكح كحه حالتها حااله مسكين قلتله كم تبا قال 2000 وقلتله اووكي(جفتوا شو المقصووود بحب جنووني والله اني مقصه) وبعدين خطف رمضان ويه العيد فقلتله شو تبا هديه قالي مابا شي اونه عاد ثقييل و شخصيه فقلتله مب كيفك والله اني هبله قلتله تبا عطر ساعه كاب بوك شو تبا قالي ماشي قلتله تبا نظاره قالي عندي وحده بس شفااافه قلتله عيل باخذلك و عقبها قال اووك يه بوظبي و اشتريت له نظاره غوتشي طررررمن الخااطر والله يحلم يلبسها لو مب انا ب1800 و عطيته 3600 بيزات يعدل سيارته و يصرف ع عمره هو طبها شلهن صوب السينما و رووح لا سلام و لا كلام و مستانس ع عمره ياخذ عني ولا يستحي ويوم رديت البيت و رمسته كنت متوقعه شكرا بس للاسف خااب ظني وما سمعتها وقلت يمكن نسى خلاص ع راحته و تميت اسبوع اتريا الكلمه و عقبها صدق ظقت و هو كان يعق عليه كلام يقطع القلب و كنت اقوله اوكي و اسكت فصاارحته و قلتله انا مب مرتااحه وياك لانك ما تعطيني ويه هو قالي سوري و تم يعتذر ف انا الهبله قلتله خلاص رضيت سوري و احبك و يليتني ما قلت هالكلام بعدين اتعلم طبع يدييد و خايس يقولي:اقولج حبي بسير عند ربعي الحين ولا عند اهليه و انا حفظت هالجملتين من كثر ما يعيدهن و كان ما يطرش صوره خايف انشرهن و هو كان عنده صوريه و طلب مني صور وانا مب متستره بس انا قلتله مابا و بندت في ويهه حسيت اني كارهتنه فخبرت اربيعتيه و تمت تتترس مخي و تقولي يقص عليج شي مب يدي الكل كان يوقلي جيه بس انا ما اصدق لاني احبه موت فقلتله باي واليوم الي عقبه اتولهت عليه و اتصلتله و ما رد اتصلت 89 مره و ما رد و بعدين كتبتله داخل رساله الانسان ما يقدر يعيش بدون قلب و انت قلبي ورد و اعتذرت وقالي لا اترمسين فلانه وانا قلتله سوري ماقدر و اتقفط و سكت و بعدين امي عرفت اني بعدني ارمسه و صفعتني بس انا سكتت و اتصلتله هو و قالتله لا ترد ع بنتي فهو الفررخ ما رد وخلاني فعذابي و بعدين اتصلت حق اخوه وقلتله وين عبود قالي امج اتصلتله و قالتله ما يكلمج و انا متت من القهر و بندت عن اخوه و طرشت حق الحبيب الغالي مسج كتبتله هانت عليك عشرتنا فرد و تميت اقوله كيف تبيعني بهالسهوله قال ما يبا مشاكل قلتله وانا طحت من عيني اهليه بسبتك و آخر شي تودرني و عقب اتراهننا منو الي بيودر الثاني قلتلته اوووكي فبعد مرور 5 ايام بالضبط كننا بنكمل سنه مع بعض وما كان عندي تلفون خليت اربيعتيه اتييب تلفوونها المدرسه و رمسته وقلتله و الحبيب خبر خير ولا يدري عن شي وبعدينكملت وياه وبعدها بشهرن هدت الامور و كنت دووم اقوله تعال بوظبي ابا اجوووفك لان هو ما ايي الا مره كل اربع ولا خمس شهورر فقال اوكي وقبل




ما ايي بسبوعين طلب مني طلب و انا ماعندي فلوس هالشي قالي ابا لاب تب و انا قلت من وين اييبله بيزات فيبتله 4500 وقال بيظهر رقم مميز و رقم عادي حقي قالي يبا 2500 وعطيته المبلغ كااامل و ما سمعت كلمة شكرا والله ان الحب مذله
وقسم بالله اني ما كنت عارفه شو كنت يالسه اسوي وبعدها امي شكت اني جفته وكنت دوم اصارحه وماشي فايده يقول بيتغيير و انا امووت صيااح و انا اكلمه ولا ذرررة مشاااعر عديم سافرنا ماليزيا نتونس اسبوعين حطيتله رصيد ما اذكر كم بس اقل عن قبل لاني مفلللسه و انا حطيت بعد مثله و بعدين قالي شو اسوي فيهن ها مال يوم واحد و انا استحيت هو الريال يعني هو الي لازم اييب مب انا و عقب قالي مب منج مني..انا الي يالس اتشحتهن منج و قلت فخاطريه اخيرا حس ع دمه و استحاا و قالي انا الريال انا الي لازم اييب مب انتي لان انتي بعدج فالمدرسه فقلتله لا لا تقول جيه كان يبا يكسر خاطريه بس فهمتها وكانت رسااالته ابا زيااده فقال اذا اشتغلت باخذلج انا قلتله يبالك وايد عشان تشتغل سكت و ماخذتله لان ما كان عندي و انا حااارمه عمري من كل شي بس عشان اخذله رصيد و اعيشه احسن عيشه وبس والله عذااب كل يوم اصيييح و احترق فخااطريه و اقطع كل مكان حرفه و اترجاا الناس عشان يخلوني اكلمه وهو ولا مفتكر فييه عاادي عنده المهم يوم سافرنا كان ما يتصل و طلب اييبله تلفوون صغيير من هناك انا ما عندي فلووس مال ماليزيا فترجيت امي وقلتلها حق اربيعتيه وكان يتصل يتخبر جان خذتله ولا لا ويبند مره كل 4 ولا 5 ايام و انا كنت ميييته من الوله عليه ويوم رديننا قالي انتوا اتسافرون و غيركم ما ركب الطيااره يتم يقارن عيشتي فعيشته قلتلك قدر و مكتوب انا شو ذنبي عقب قالي بتعطيني فلوس اسافر فيهن قلتله سوري ما عندي قال بل بل كل هالفلوس الي عند ابوج و ما عندج قلتله الله يكثر الخير و قلتله قول ما شا الله قالها من غير نفس انا احببببببه حب ما يعرفه غير ربي والله العظيم كنت ميييييته بخطااااااه ماجوف حد ولا شي دراستي اهملتها بسبته وما اسوي شي الا افكر و بعدين رديننا للمدارسو كنت كله اتم فالصف ساكته و ها مب من طبعي و بعدين فجأه اصيييييييح جدام الناس و كنت اظهر برع الصف اغيير جو و ارد و الكل كان يتسأل عن سبب هالحزن بس ما خبرت حد عقب رمضان ملييت لاعت جبدي تعبت دمررررررررني حطمنيييييييي والله احس شراااييييني تتقطع من داخل ويا بوظبي وجفته و عطيته التلفون وسرت ولا رمسته و بعدين كنت ما اتصلله ولا ارد اخليه ينقع و بعدين طرشتله مسج عافك الخاطر و كل عام وانت بخير لان كان يوم عيد ميلاده واتصل وانا ما رديت وبعدين ظعفت واتصلته وقلتله اسوولف وياك بس كنت ابا اجوووف ردة فعلك قالي اوك خلاص وعقبها بكم يوم هو طرش مسج شكلج ما تبيني ومن هالكلام و اونه كان يحبني وما بينساني قلتله لا وسوري و بعدين قال اوك وتميت اترجااه لاني اظعف وااايد جداامه مادري شو اييني و اتم ساكته عقب قلتله انت ما تناسبني وجيه و فرق السن ومن هالكلام وو قالي والي يقولج ما بيخليج قلتله مب كيفك قالي احبج قلتله جذاب جان يقول تبيني اييي بيتكم قلتله لا جان يقول شو تبيني اسوي اكلم امج قلتله لا و قالي ان عنده رقم امي و اوي و كل اربيعاتي و اختي لان انا الغبيه عطيته فهو ما اتصل قلتله جان اتحبني خليني اجوف حياتي و قالي الي يريحج و جان رجعتي فكلامج انا موجود و قالي احنا انناسب بعض قلتله ليش قالي انا خووان و انتي جذابه لان انا اعرف انه يرمس غيري وقلتله اعرف ولا تنكر وانا دوم اطلع عذر عشان ما اكلمه لاني كرهته و قلتله انا مب جذابه و انت بديت لان انا ما سويت شي كله منه هو خسرنيوقلتله لو تلف الدنيا كلها ما بتحصل حد يحبك كثر سكت و تم منصدم لان آخر شهرين كنت ما اطرش رصيد و كل ما يسأل عن السبب اقوله ما عندي ويكون عندي بس ليش اطرش يوم انه ما يصرفهن عليه و عقب قلتله مبروك انا اهنيك قالي ليش قلتله احنا اترهننا و انا خسرت قالي شفتي انج جذابه قلتله الي يحب الثاني اكثر دايما خسران و الظحيه وبندت وترا انا خبرت امي بالويه اني احبه بس اتصفعت و هو ما صدق جفتوا كيف الدنيا تحبون و تعشقون وانتوا الخسراانييييين آآآآآآآه يالدنيا كيف تعذب
وهاي هي قصتي الحزينه و يا الي عشقته و اتريا تعليقاتكم الحلوه لان هالانسان سوى فيه شي مستحيل انساه و بنى فيني جرح كبييير ما تنسيني ايااه الايام ولا السنين ولا اي انسان ثاني ومستحيل اكرر الحب لاني خسرت فيه ولا اتجربوون لان هاي نتيجة كل حب

السمووحه منكم شيوخي طولت عليكم اتمي ان القصه عيبتكم