|
سؤال ؟؟ !! كل هذا حُب في زايد ام هو نفاق !! ؟؟ ....{{ هلا بكم يالغالين سؤال ؟؟ !! كل هذا حُب في زايد ام هو نفاق !! ؟؟ هذا السؤال .. لا اسئله انا .. ولا يسأله شخص امارتي هو شخص من المملكة العربية السعودية الشقيقة وضع هذا الموضوع في احد المنتديات .. يسأل اهل الامارات عن هذا الحب الذي نحبه للمغفور له .. باذن الله وحبيت اني انقله لكم اقتباس: صراحه اتعجب !! اندهش !! اوقف حائراً !! ابي اعرف وش سر حُب أهل الإمارات لزايد !! و شيوخهم الثانين !! وش السر !! انا من السعوديه لكن مايهني الملك سوا هوا حي او ميت ! ولا عبر به لا عمري رفعت صورة للمك فهد او الملك عبد الله !! او حتى تفاخرت بهم !! ولا حتى اهتميت بموت الملك فهد وهوا حال الشعب السعودي كله !! بعكس يوم مات زايد حتى المذيعين الإماراتيين يصيحون وهم يقولون الخبر !! )) اما يوم مات الملك فهد عادي عند المذيعين عندنا !! ولا كنه صار شي !! ولا شي !! صدقوني مااحمل في قلبي حُب للمك اي ملك ابداً ماادري وش السبب وهذا حال الشعب السعودي كله وانا عرف الشعب !! ابي اعرف بس وش سبب حبكم لزايد !! والشيوخ الباقين !!!!!!!!!!!!!!!!!!!! : هذا كان موضوع الشخص في ذلك المنتدى .. وهذه كانت مقتطفات من الردوود : اقتباس: لا تتعجب..ولا تندهش..ولاتحتار.. من اقوال الوالد زايد رحمه الله . ..لاشيء مخلد ابدا.. ..لا مخلد الانسان ولا مخلد المال ولا مخلد شيء.. ..مخلد اللذي هو ..الخالد ..الوطن..والعمل للانسان.. ..وكل فرد منا بيذكر بعمله..كل ماذا يعمل بيذكر بعمله.. نحن نحب الله ورسوله محمد صلى الله عليه وسلم من ثمه نحب الأرض اللي تربينا على ترابها و نحب شيوخنا وخاصتا الشيخ زايد الله يرحمه ويغمد روحه الجنه نحن نعتز بهم و نقدر المجهود اللي يبذلونه لشعبهم..ولكل العرب..وبعد أفتخر بهم و هالحب مافي اي نوع من النفاق..وأعتقد بأن الواحد يوم يحب قائد هذا هب حرام ولا بنفاق.. (( عطني دليل إذا كان حب الشعب لقائدهم محرم )) وكل شخص حر في تعبير بمشاعره..وهذا بعد ليس بالممنوع يوم الواحد يعبر بالطريقه اللي هو يباه (( اللي مايعرفك مايقدرك )) (( يا جاهل التاريخ اقرا حروفه )) اقتباس: بسم الله الرحمن الرحيم السلام عليكم والرحمه .. !! الشيخ زايد الله يرحمه .. بطيبته و طيبة قلبه ملك حب الناس كلهم مواطنين او لا .. الكل صاح في لحظة اعلان خبر الوفاه .. و هالصوره و الكلام اللي في هالبطاقه بيعبرون و بيردون ع اسئلتك : انهزت الامارات في 2-11-2004م و كانت صدق تعيش لحظات حزن و حداد .. لوفاة الوالد زايد .. اللي قبل مانـعـتـبـره شـيـخـنـا .. نـعـتـبـره ابـــونـــــــا الغـالـي .. و انهزت للمره الثانيه في 4-1-2006 م و كانت صدق تعيش لحظات حزن و حداد .. لوفاة الوالد الغالي مـكـتـــــوم .. .. سبحان الله انولدنا على حبنا الفطري لشيوخنا الغالين .. الأحياء منهم و الأموات. . لأن همهم الوحيد :: راحــة الـشــــــــ ع ــــــــب :: الشي الاول و الاخير لي يفكرون فيه .. عشان جيه الشعب يبادلهم نفس الحب والاحترام .. الله يحفظهم كلهم ان شاءالله .. و يخليهم لنا وللإمـــــــــــــارات .. : اقتباس: سؤالك أبكاني .. و تجمعت الدموع في عيني وتذكرت الموقف .. و انكب الاسى في قلبي لمجرد سؤالك .. جاءت الدمعه !! هذا اول دليل لحبنا الكبير له .. فكل ما تذكرناه وتذكرنا انه فارقنا ما نعبر الا بدموعنا .. لان اللي فقدناه شي كبير واحس اني مهما فقدت من الاشيا .. ما بفقد شي اغلى منه الشيخ زايد رحمه الله .. كان بمثابة الاب لنا والاب دايما يكون قريب .. فالبعيد عن العين بعيد عن القلب ولكن رحمة الله عليه .. حسسنا بانه قريب وبالفعل كان قريب كان يزور المستشفيات بنفسه .. ونشوفه في اي مكان .. ما كنا نحس بان في شي مانع بينه وبين شعبه كان دايما يذكر شعبه في كل كلمة يقولها شعب الامارات شعب الامارات شعب الامارات ونحن هو الشعب .. احبنا كلنا .. ومن كثر حبه لنا .. اعتبر العالم كله اطفاله اسأل الشعب الفلسطيني .. اسأل الشعب العراقي .. اسأل الشعب الكويتي .. اسأل المغرب .. اسأل باكستان و افغانستان .. اسأل العالم بأسره شوف ردهم كيف بيكووون .. شوف شو هيه افعال يده السخيه مد يد العوون للكل .. كان متوااضع جدا جدا جدا .. حبوه جدودنا .. وحبوه ابهاتنا .. وحبيناه نحن .. وتوسع الحب .. وصل الى العالم .. لانه هو اتصل بهم ولا كيف بيعرفونه !!! في دول وايده هوه ما زارها .. لكن شوف حب الشعب له وقت وفاته .. كانو يجولون العالم .. ليسألونهم عن شعورهم لسماع هذا الخبر حتى المسيحي !! اللي لابس اللبس الارهابي .. كان يصيح على الشاشه لفراقه !!!!! هذا المسيحي وكان بعيد عنه .. وما عاش في ظله .. ولكن وصل حبه للبكاء كيف نحن ابناءه .. كان دايما يقول ابنائي .. انتم ابنائي شعر كل من يفقد ابوه .. بان له اب بعد تسألنا ليش نحبه .. تدري لو يتجمع اهل الامارات .. ويعبر كل واحد فيهم بــــــكل ما لديه .. ويعمل بكل قوة يداه ما يوفي حق زايد لنا .. لو كل الامارات حبته .. ما نوصل حب زايد لنا قلنا لك ليش نحبه .. وطبعا ما ذكرنا كل شي .. لان حبه مثل الختم في قلوبنا ما يحيله الزمن لا هو ولا الشيوخ الباقين الله يرحمهم ومع هذا قصرنا .. فانت يوم تشوف كل هالكلام .. والكلام اللي بعدك ما شفته ولا سمعته فلازم تيقن وتتضح الصوره جدامك .. بان الحب اللي عندنا .. مب عاااادي فلازم يكون السبب ورا هذا كله .. سبب غير عادي ايضا اذا كان حبنا تعدى الحدوود .. فالاسبااب تعدت الحدوود كذلك ونحن للحينه نشوف خيره الله يرحمه .. يوصلنا ! تعرف شو يعني للحينه لين الحيينه نشووف صدقات باسمه .. وتبرعات باسمه .. وووو كل شي باسمه للحينه يشعر الشعب بان روحه موجووده بينا وما فقدنا الا جسده العزييز .. رحمة الله عليه وبكلامنا هذا .. لازم تعرف ان اللي سواه هذا الرجل ما سواه اي رجل بالعالم !! ولا يمكن نشوف رجل يشبه الشيخ زايد .. فهو مره مب مرتين الله يرحمه .. و يرحم شيوخنا الثانيين اللي ما قصروو ويرحم شيخكم .. وشيوخ الخليج وجميع المسلمين مع السلامه والان .. اتمنى ان اشوف ردكم على رسالة هذا الشخص وان شاءالله راح توصله رسالتكم له ^_^ فما هو الجواب .. لسؤال كهذا !! أهو حب .. أم نفاق الجواب معكم .. خلونا نسمع تحياتي |
يسلمووووووووووووووووو |
| الساعة الآن 12:17 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir