منتدى استراحات زايد - مشرفنا أصيل حجازي أو أهل القصيم للإفاده مالقيت حل !!!!

السلام عليكم ورحمه الله وبركاته

أخواني الاعضاء بدون قصور بأحد أنا عرضت المشكلة هنا مرتين ولا لقيت حل ..

طبعاً خصيت مشرفنا لإنه ماشاء الله عليه فاهم ويمكن مرت عليه

وأهل القصيم لإني سمعت أن فيه ورشات تصلح المشكلة .

طبعاً موتري سوبر سفاري 2001

المشكلة هي أن التانكي الثاني (الإضافي ) مايشبك اذا ضغطت الزر بس تولع اللمبه

الخضراء الي بالزر ولا يشتغل طبعا من فترة كانت اللمبه الي بالطبلون مولعه ولا تطفي

و كان فيه محاولات أني أطفيها عشان يشبك التانكي ماضبط شي منها وهي :

* قالولي أفصل أصابع البطارية ليله وأشبكها الصباح ..

النتيجة طفت اللمبة الي بالطبلون فترة ولا تغير شي ورجعت ولعت .

* قالولي فيه كتاوت خلف المكيف تحت المسجل يمكن يكون منها فكيت المسجل وطلعت

الكتاوت رحت لكذا كهربائي ماعرف لها رحت للوكاله لقيت القطعه ب 700 وشوي خفت

اشتريها ولا يطلع منها المشكلة طبعاً رجعت الكتاوت مكانها .

النتيجة طفت اللمبه الي بالطبلون ولا تغير شي ..

سألت المهندس الي بأستقبال الصيانة بالوكالة قالي بالحرف الواحد

(يمكن يكون من الطبلون يحتاج تغيير ويمكن من الطرمبة ) قلت طيب افحص لي السيارة

أول

قال مانفحص ياكذا ياكذا !!!!

قلت كم قيمة الطبلون قال بحدود 3000 وأنا مقتنع اقتناع تام أنه مو من الطبلون ..

الطرمبة بحدود 700 وشوي

أنا طولت عليكم الاكيد ماطلعت بحل الى الان أنا عارف ان المشكلة مهي مشكلة قوية

ولله الحمد بس أنا من النوع الي احب ان يكون كل شي شغال بالسيارة وخاصه ان التانكي

الاضافي (sub tank) له فائدة للي مجربه خاصه للمسافات البعيدة

أشكر كل من مر على موضوعي وأفادنا بخبرته لإن المنتدى والفائدة للجميع