منتدى استراحات زايد - طريقه جديده للتخلص من النفايات بعد الرحله .

المتطلبات :

كريك صغير .... ولاعه .... سفره خوص .... صحون ستيل . كيس قمامه .ملقاط
مقدمه :-
دع المكان افضل مما كان مطلب ينشده الجميع . بعد انتهاء الرحله وقبل مغادرة المكان المحافظين يلتفتون يمين ويسار وامام وخلف هل بقي من مخلفاتنا شي . متأكدين . اكيد المكان افضل مما كان . وغير المحافظين . جت علينا كل الناس يتركون قمايمهم مشينا بس اللي بعدنا ينظف , والا يجي هواء ويطيرها . واللي نص ونص . يحرقون المخلفات ويدفنونها . بهذا الموضوع حبيت اريح الجميع . بطريقه بسيطه وسهله .
* الكريك الصغير خذه معك عند قضاء الحاجه وعمق الحفره وادفن لايصير( البس) قطيو . احسن منك :d . ويكون معك الولاعه علشان تحرق المناديل .
* تخلص من السفره البلاستك . وارجع لايام اول للخوص . بعد الانتهاء من الاكل ماعليك الا انك تروح لمكان تحس ان ابا الحصين يوصله وتنفض السفره وترجع تعلقها للوجبه الثانيه .
* صحون نواشف ستيل . صحيه وافضل من البلاستك . والجميع يحذر من وضع الماكولات الحاره بصحون بلاستك .اذا خلصت من الفطور غسيل بسيط ورجعهم للعزبه .
* كيسان الورق والمناديل ضعهم بالنار واستخدم الملقاط بتجميعهم .
* كيس القمامه يكون معلق بالخيمه او باب صندوق السياره او الرواق . حولك شي او خلصت من شي ضعه فيه . ولو كان كيس طحين اقوى وافضل .
* يبقى علينا المعلبات . مشروبات غازيه واشوف كثير من الشباب يجخون فيها بصورهم وهم ياكلون . وتراها مضره جدا . بدلوها بلبن او عصير برتقال . وايضا معلبات النواشف . ماعليك الا انك ( ترعصهن ) برجلك علشان مايزعجنك وتحطهن بالكيس .
وبكذا تكون ارتحت وريحت من هم المخلفات . لاتنسَ الكيس خله معك رفيق لين اقرب حاويه . تمنياتي للجميع بالسعاده والتوفيق .