منتدى استراحات زايد - اخر اخبار خيام الوسم

السلام عليكم ورحمة الله
الله يمسيكم بالخير جميعا . ربي يسال عن حالكم ماقصرتوا معي الله يجزاكم عني كل خير
الي يسال عن خيام الوسم الله يحييه . انتاجنا لم يتوقف ولكن قل بالحيل غصب عني ولا اقدر البي طلبات كل من اتصلو . والخياطين الجدد يجون قريب ان شاء الله
والي يسال عن تصنيعها بالخارج .
اقوله اصبر علينا هلامور ماتسوى بيوم وليله وهذا راس مال وسمعه وثقه الي يبي صناعه جيده وبمواصفات خاصه يبي يتعب لان اول شي الغلا الفاحش والله بعضهلم طلب دبل تكلفتها علي بديرتي الله لايوفقهم . والي يبي الردي لقيت شي 3 م 500 ريال بس
. وجدنا ثلاثه مصانع كلها غاليه والاخير منهم حبوب قالي شف جميع اصحاب المصانع يعلمون ان هناك سعودي معه نموذج جديد ولكن هناك ايضا هندي معه خيمه جديده يدوربها على المصانع مرسلها له سعودي . المهم اتفقنا على صناعه النموذج الاول ان شاء الله وطلب مهله اسبوع . وهو الوحيد الذي قبل القماش الي احضرت له عينه منه
قماشنا طربال قطني % درجه اولى ووزنه 370 غرام للمتر المربع اخف من التنزاني بسبعين غرام مواصفاته عاليه الجوده . قوة شده ممتازه مضاد للماء والعفن . مغزول وخيوطه مدبوله ولولا الوزن لجعناه افضل ولكن عملنا افضل المواصفات لهذا الوزن علمني صاحبه كل اسرار القماش .وباقي المكونات ستكون افضل من مكونات خيمتنا فالارضيه خففناها والشبك خففناه وسيكون لوحه جماليه والبطانه ستكون جميله جدا وبعده الوان من اختياري
ومعها مظله واستبدلنا حديدها بالالمنيوم واشترطت عليهم اشياء لايعرفها الا اصحاب الصنعه
ساتركهم يعملون نموذج بدون تدخل مني ولكني مشترط عليهم بعد الاتفاق النهائي اني اجيب خياطي لهم لكي يعلمهم طريقه خياطتها الصحيحه
وستكون المقاسات المتوفره 260 سم . 3 م . 3.5م . 4م . واتوقع ان شاء الله ان سارت الامور زين انها تجي بعد شهرين .
ادعوا لاخوكم بالتوفيق واتركوا عنكم المهاترات والاخوان الي يفتون بمالايعلمون من صحه جواز سرقه الحقوق الاخرين اقوله اتق الله تراك ظلمت نفسك وافتيت بشي ماتعرفه . اما من يظهر لنا الشكل فاقول له الشكل لاتمنح عليه براءه . المهم الجوهر . وانت جالس تدافع عن انتاج اجنبي وتعلم علم اليقين انها ماتجي ولا رجل من ارجل خيمه الوسم .

اسال الله لي ولكم التوفيق اخوكم ابن بطوطه ابوعبدالعزيز

كلمه خاصه لمن سرقني سواء بيت المقناص او عروق الشمال الله لايسامحك ويجعلها نذير شؤم عيك واجمع ماشئت من سرقتك فان شاء الله انك ستدفع ماوراك ومادونك وستدفع بيوم من الايام كل ماتملك واكثر ان شاء الله نتيجه جشعك وسرقتك حقوقي . القانون بيني وبينك وانا اكثر صبر منك
براءه الاختراع ماشيه بطريقها وعندما تظهر للعيان سيستدعونك وسيحاكمونك . ليه لانك انسان فاشل اخرج لنا خيمه سيئه الشكل والمضمون صنعها طماع وقد اضرت بسمعة خيام الوسم . والله ان خيمه الوسم ماتدري وين تودي وجهها من الفشيله