منتدى استراحات زايد - اسمع كلام sniper112 ووفر فلوسك ( اختراعات + صور+ مشخلة )

[بسم الله الرحمن الرحيم
السلام عليكم ورحمة الله وبركاتة
هذا الموضوع خاص بتوفير الفلوس هههههه
نقول وداعا للتعب واهلا بالمشخلة
واهلا بغطاء المسدس الجديد و وداعا للوكيل المعتمد
فيه موضوع المشخله شفت انه مافيه احد حد صور ولا تكلم عنها غير بشي بسيط ويصعب على
الغير فهمة من هم لا يحملون الفكرة
واتمنى اتكون الصور مبسطة وواضحة
الصورة نتكلم عن المعدات في صنع المشخلة
1: حبل او خيط
2: مقص او موس
3: فنيلة داخلية لون ابيض
4: المشخلة ( بطلة المسلسل )
gulfhunter_1G6WHOcd1b.jpg
فالبداية فتحة الرقبة سوف تكون الفتحة العلوية على المشخلة
واتمنى الفنيلة اتكون مقاس صغير علشان فتحة الرقبة تكون صغيرة
فالبداية ندخل المشخلة داخل الفنيلة وين تنلبس
وبعدين نخلي الفتحة فـ وسط المشخلة
ونربط الفنيلة من على الجوانب
او نلف الخيط عاد انت وطريقتك اهم شي تثبتها
مثل اللي فالصورة
2.jpg - 132.7 Kb
ومن بعد ماقطعنا راح تكون المصيدة بهذه الصورة
gulfhunter_kP3zwPkW8t.jpg
من الاعلى راح تصير كذا
تراني حطيت دبوس علشان اصغر الفتحة
انت خذ فنيلة مقاسها صغير علشان ماتحط دبوس
gulfhunter_SuCd12hiZq.jpg
واتمنى الموضوع سهل
الحين فيه ناس يقولون شو فايدتها
يا حبايبي فايدتها اتحط داخلها طحين ويستحب تكون المشخلة حجمها كبير
وتربط من تحتها او بداخلها حجر او قطعه معدنية
تنزلها تحت ويستحب انت تغوص تنزلها بنفسك ولو على الشاطئ
تقدر اتنزلها من غير ماتغوص بس اربطها بخيط واعرف مكانها وتقدر اتخليها يوم كامل او يومين
والسمكة اللي بتدخل داخل ماراح تطلع وانت اذا جيت تسحبها احرس على انه السمكة ماتطلع
ولاتنسوا تدعولي يا اخوان بالتوفيق فالدنيا والاخرة
ننتقل للموضوع الثاني
.................................................. ..............
تعالوا يا اصحاب السلندرات
هل تعاني من تخبط السلندرات في شنطة سيارتك
هل تعاني من اصوات السلندرات وانت تمشي فالشارك الناس اتقول فينه اللي يبيع الغاز
هل تخاف من كثر تصادم السلندرات ان تنفجر او تنكسر من الاعلى
الحل موجود يا جماعة بخمسين ريال او اقل
روح المنجرة وخله يسوي لك لوح على شكل نص دائرة لاربع سلندرات
ويكون عدد الالواح اثنين
ومن بعدها تجيب السلندرات وتشوف المسافه وعلمة ايش يسوي شوف الصورة واعرف الطريقه
تراها من تفكيري والله منزمان مسويها بس متعاجز انزلها فالمنتدى
gulfhunter_hTDwrgfzTv.jpg
وانت تقدر اتسوي خانتين او ثلاث على حسب مساحة سيارتك
واذا تبغى حق القارب بعد تقدر
والله ماراح تندمو يسهل امور كثيرة علينا هاللوح
gulfhunter_j2vCmV96tb.jpg
gulfhunter_6e4ktd7f2r.jpg
ماعتقد فيه غواص غبي الطريقه معروفه وانتوا
دامكم دخلتو مكشات يعني انتوا اذكياء وعرفتوا تختاروا المكان المناسب
ننتقل للموضوع الثالث
...........................................
وينكم يا اصحاب المسدسات
هل تخاف على مسدسك من ضربة الشمس وبعدين تخترب الربلات
هل تريد نقل مسدسك للقارب من غير ان يراه احد
وداعا للوكيل ومرحبا بـ فكرة sniper112
روح لاقرب مكان يسوي تلبيس لكراسي السيارات
ويستحسن يكون مكان عادي وفيه عمال بسطاء علشان مايضرب عليك فلوس
خله ياخذ المقاس واختار لك جلد من النوع الجيد
وخله يخيط ويحط سحاب وانت والخير رباعه
وهنا الصورة
gulfhunter_IpJN17pe7.jpg
وهنا حطيت المسدس داخل بس ماسكرته
gulfhunter_xVGWdIuB7c.jpg
وفالاخير اتمنى اني توفقت في طرح الموضوع
وهذا عربون محبه لكم يا اخوان ويعلم الله اني اكن لكم كل الود والاحترام
واعتبركم اخواني فالله قبل كل شي
وشكر خاص لمن سيطبق هذه الاشياء وارجوا اللي راح يسوي
هالاشياء يعلمنا ايش صار معه
معى تحياتي لكم اخوكم بوعوف
والسلام عليكم ورحمة الله وبركاتة
مـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـلاحظة فيه مشكلة ف ضهور الصورة مباشره
الى بالظغط عليها ساحاول تظبيط الوضع بس بروح اصلي