هل العضيب يضبطون شاصات؟
 

السلام عليكم يا نشاما

الحمدلله اللي نجاني من صدمة بسيارة يوكن 2000 في صـــبـــة

تكسرت الاذرعة والمقصات والشاص جهة اليسار اصابه انحراف.

سويت الصيانة والسمكرة في ورشة باكستاني لكنه ماضبط الشاص والوزنية.

رحت للعضيب حي المصيف - الرياض - قالوا ان الشاص فيه 5 سم انحراف، وان السيارة تحتاج ركبة وصوفة وجلدتين وشغلات نسيتهن.. واني لازم اسويها عند فرع 4 في الصناعية القديمة.

المشكلة اني خسرت اكثر من 11000 الى الان من قطع غيار وسمكرة واخاف اسويها عندهم ويكلفوني مبلغ اضافي بدون فايدة :(

فهل احد منكم يالربع عنده خبرة في العضيب ينصحني بهم او يحذرني منهم؟




الامر الاخير احتاج مفصلات ابواب امامية - شبك امامي - انوار امامية - قزاز امامي
برايكم أخذها من تشليح الحاير والا من الصناعية والا اطلبها من التشاليح بالتلفون؟


**الشي المهم وهو تـنــبــــيــــه**
سبب الحادث هو تعطل نظام ABS نظام مانع الانزلاق، لما فرملت بقوة انحرفت بي السيارة تجاه شاحنة .. والشاحنة صدمتني من جنب فتوجهت سيارتي الى الصبات مباشرة. والحمدلله دائما وأبدا اللي سلمني وعيالي
فانتبهوا يا اخوان من التهاون بهذا الامر والحرص على الاذكار صباح ومساء ..مع اني كنت احاول اصلحة لكن قيل لي انه يكلف فوق 3000 ريال واستكثرتها:eek:

ويارب ماتشوفون شر ولا ضرر ويحفظكم دائما وابدا