منتدى استراحات زايد - ‏(‏( مجاراة الشاعر والمنشد : حامد الضبعان في قصيدة _ليل الشتاء

بسم الله الرحمن الرحيم
السلام عليكم ورحمة الله وبركاته

هذه القصيدة مجاراة لشاعر حامد الضبعان في قصيدته التي انشدها في شريط المقناص الثالث
بعنوان (ليل الشتاء)
فقد لامست قصيدة _ليل الشتاء_ ما في وجداني واحببت ان اجاريها بهذ القصيدة التي ارجو ان تنال رضاء الجميع :)

.
.
.

سرى الليل ياعيني سرى الليل ثم سرى ........... سرى الليل والدنيا كفا شرها الباري

سرى الليل ياعين(ن) سهيره ولم ترى ........... سوى الباب والسجان وغليص ومكاري

وسرى الليل بالهوجاس من باع واشترى ........... وشرد القوافي تتعب البايع الشاري

كاجلمود صخر(ن) حطه السيل من كرى ........... حصان القصيد يسابق الحصن ويجاري

على قاف حامد طاف بالمدن والقرى ........... ومضارب جرير يطوفها صبح وعصاري

وسرى الليل يابرق(ن) تنحى ورى ورى ........... جذبني سنا برقه وسيله على غاري

خياله على نجد العذيه تحدرى ........... يسوقه هوا الغربي من ديار لدياري

الا واعذاب اللي خفوقه تجمرى ........... تجمر شلوخ السمر في صالي الناري

مدامع عيوني فوق خدي تنثرى ........... على الخد سالت كنها العاير الجاري

على صحصح(ن) مجذب ويثري ثرى ثرى ........... بلاقيع خد(ن) خصب للكاتب القاري

لو(ن) الشبيك يفك سبقه ويشهرى ........... تحيزمت للمقناص بحزام واسواري

واعانق قنوص(ن) عنهم الطير ماخبرى ........... عتيبي وغيداني وسنعوس ومطاري

ونصبح مرابي شرد خشف(ن) تذيرى ........... على جرته غب المطر يذري الذاري

عليها سحاب الوسم هلل وكبرى ........... يهل الدموع من الوله واسر ياساري

تعوضك في لندن وباريس وانقرى ........... وعن كل ديره طورها بالاقماري

هي القوت للجيعان والضل والذرى ........... وهي القبلتين ويثرب ديار الانصاري

وعقب القنص ياما وياما طرى طرى ........... إنوخ ركايبنا عقب طول الاسفاري

ونار(ن) سناها بالبسيطه توهجرى ........... على جالها نسمر ويحلى التسماري

بقلم : محمد القسامي