الفرق بين سواقه الشباب و سواقه البنات...
 

السلام عليكم و رحمه اللله و بركاته

شحالكم؟.............عساكم بخير؟


طبعا الموضوع باين من عنوانه ما بطول عليكم

.
.
.
مشاوير
الشبااب : الدوام + البيت + الدكان + الشيشه + الكوفي .
البناات : الصالون + الشغل + السوق + العرس + البحر .


- الاغراض المتواجده دائما في السياره :

في سيارة الشباب : غتره على الكرسي + عقال + تيشو + مدواخ + ولاعه + ديو ..
سياره البنات : مياه افيان + مناديل ترطيب + دهن العود + لبــااان اكستراا + شنطة المكياج

في جيب السيتاات :

سيارة الشباب : اشرطة + جقاره + ولاعه + اوراق المخالفات + عقاال .
سيارة البنات : السيديات + دفتر المذكرات + مجلة + عطر + جحال + مشط

دبة السياره :
سيارة الشباب : اوراق وكتب الجامعه + ثياب النادي + شيشة + كوره + عود.
سيارة البناات : شنطة الملابس الاحتياطيه +مزيل عرق + فازلين + كعب عالي + شباصات هع هع


السوالف في السياره:الشباب : شفتوا مباراة الييووم ؟ اليووم افتتااح الموول شراايك نسير // صااحب الاستيشن الاسود ,زخووه :d

البناآآت : ماشفتي *** ترى مكبره شفايفها وفي الصيف بتسافر باريس ؟ شفتي ساعتها اليديده .. لا و بنت (***) شفتي فستانهاا ؟

- اذا بيعبي بترول:

الشبااب :اول الشهر -رفيق فل وآخره بـ 10 يا الهرم ويا ويلك لو حطيت بترول سوبر لوول

البناات : ب40 وبخمسه ماي ورد !


- عند التقاطع :

الشباب : ما يطالع يمين ويسار الا مراات .
البناات : تطالع يمين ويسار 10 مرات .



- اثناء السياقه :

الشباب : مّبعد الكرسي لين اخره جنه منسدح ويسوق بيد ويدعس بريل والثانيه رافعها الى مستوى المكيف شوي ويطلعها من الدريشه.

البناات : ملزقة مقربة الكرسي لين اخره جنها سواق لموزين حاضنه السكان كانه طوق نجات


اثناء الانتظار عند اشارة المرور:

الشباب : يطلع له مدوااخ ( لوول )
البنات : تعدل شعرها و الميك اب


- اثناء السياقه وشااف ربيعه بيسلم علييه :الشباب : يهرن او غمزه او ينزل الجامه ودق سواالف .. الحبيب يتحراا عمره ف الكوفي هع هع
البنات : تهرن , وتقول: الريم حبيبتي اشحالج .علومج أٌقولج ...أناا بخليج الحيين ... اخلاف بتصل بج


- اثناء السواقه و أحد لاف عليه :

الشباب : ينزل الجامه ويقول : وقف أقولك يااولد ال؟ انا بعلمك كييف تسوق يا ولد ال ,
البناات : يا الغبي ماتشوف زين , روح غربلاتك انشالله.


- اثناء كتابه المخالفه :

الشباب : قسم بالله ما تسابقت مع حد,لاحوول .. يا ريال استهدى بالله انا مب راعي هالسولف . هههه

البنات : بلييز الله يخليك لا تعطيني مخالفه بليز بليز,, وهي تصيح .. هههههههههههه


- اثناء الحادث :

الشباب : شو مشكلتك يالثور ماتشوف ؟ عساك اليهد انت و الي عطاك الليسن
البنات : أناا آسفه اخويه .. بس شكلك ماشفتني وانا اعطيك اشاره


- اثناء السياقه و واحد من اليهال يصيح :

الشباب : كل تبن ويالله ااسكت لا اوقف الحين وافتح في ويهك دوار الدفاع
البناات : يالله, ماما خلاص حبيبي لاتصيح بسير اشتري لك حلاوه

ياله قولولي اذا عيبكم.....


منقـــــــول
*.. أرنــــوبــــة الشيطــــــونـــــة ..*

خخخخخخخخخخخخخخخخخخخخخخخخخخخخخخخخخخخخخخخخخخ


والله ضحكتيني .. .. .. .. ..


يسلمووووو عالطــرح

ثاااانكس ع المروووور أخواااااني ....