منتدى استراحات زايد - قصيده من خالي الحبيب لي

بسم الله الرحمن الرحيم

هاذي قصيده قالها خالي العزيز والغالي الشاعر احمد حمود الذبياني يوم تأخرت عنه واشغلتني بعض الظروف
وقال :
لا تذكرت النسيم الساحليه / كن يكويني من الاشواق كاوي
وين بندر صاحب النفس الزكيه / صادق الوقفات في وقت الهقاوي
وان نصيته ماتشوف المكرهيه /وعن خوي لجنب مايزويه زاوي
ودنا بالحر وينك ياسميه / في حدود الساحل الاج السماوي
طير حر وماانطرح بالعام زيه / بالقوام وبالوصوف وبالحلاوي
لون ريشه مثل لون الشاثليه /والبياض يعم صدره بالتساوي
حول عشرو سبع والزايد شويه /بالمقاس المعتبر وقت الدعاوي
والنواصي والمدامع عسلجيه / طول عمره مايعيش الا خلاوي
والعيون ان لد بك عين بدويه /فتنة الباري علي قلب الشقاوي
وضمت الجنحان فيهن جاذبيه / ان فردهن كنهن بشت الطاوي
ان شرع بالزاد صوته صوت حيه /بالقلوب والكبود وبالكلاوي
ياخويا غاب عن خوة خويه / ياتري من بعدنا منهو مخاوي
ياعسي ماشلت في قلبك عليه /من كلام المغرضين اهل الحكاوي
كان زليت طالبك القضيه /السموحه يابعيدين المناوي
ياوسيع العرف ياراع الحميه / ماتهز العارفه بعض الفتاوي
الدواء من هزت القلب القويه / ماانت جاهل فيه ياعين النداوي
لو نظرنا في سقوط الفاطميه / الوشايه سببت كل البلاوي
وصفة اللي فيه عله داخليه / في كتاب الطب في قسم التداوي
والا انا لو هرولة فيني المطيه / ماتوجهني علي درب المهاوي
وسلامتكم