مشكلة في الجير بليزر 2006 - النمرة الأولى فقط
 

السلام عليكم ورحمة الله وبركاته

شلونكم اخواني في المنتدى الأفضل بكل المقاييس
صراحه انا من النوع الي يسمونهم ( متابع بصمت )
واليوم قررت اشترك بعد ماصادتني المشكلة في السيارة

ماطول عليكم

قبل يومين صار عندي مشكلة في الجير في النمرة الأولى فقط
يعني لما تعشق من النمرة الأولى للثانية .. كأنه أحد داز السيارة على قولتهم hard shift

وباقي التعشيقات حمدلله سليمة

طبعا رحت الورش والخبراء وعلماء الذرة للاسف كلهم قالوا توضيب .. حتى بدون
مايفحص السيارة بس سمع المشكلة ، الا فني في ترايستار ركب ولكن عطاني نفس النتيجه (توضيب) وقال مره وحده بيفصل مبرد الجير عن الرديتر عشان يريحه في الصيف...

السؤال:
هل فعلا أحتاج توضيب .. صراحه قريت مواضيع كثيرة هنا بس مالقيت نفس مشكلتي
اغلبهم كان ماتعشق او في تعشيقات مختلفة (بس يمكن نفس المبدأ) فـ قلت أستشير
ذوي الخبرة .. عل وعسى ألقى جواب كافي ووافي ويغنيني عن توضيب الجير

في شخص مدح ورشة اسمها تشالنجر او شارجر قريبه من ترايستار (بشوفها اليوم او بكره)

انا من سكان الدمام ، والسيارة ماعليها كلام لو في مثلها بنت تزوجتها ههههه (شطحه)

عموما .. آسف على الاطالة ،، ومانستغنى عن خدماتكم

اخوكم
بوشيخه