|
عطني فلوسك اعطيك شرفي !! ..( موضوع مميّز) http://www.ma7room.org/upload/uploading/29f5bb164e.gif http://www.l22l.com/l22l-up-3/a5a90f8c23.gif السلام عليكم ورحمة الله وبركاته شحالكم؟ عساكم إلا بخير وسهالهـ .. الناس في هالزمن اتبيع شرفها عشان البيزات والفلوس طبعا نعمة من رب العالمين والنعمة لازم نستخدمها في شي يكون خير لنا والخير بيي عن طريق الاسلام يعني النفقة الاسلامية والواحد اذا الله انعم عليه وعطاه فلوس يعني من زود فلوسه لازم يزكي فيهن او يتبرع للفقارى هب يسير الشاليهات والمراقص وييب بنات ××××× عسب ورقة ماتسوى طبعا انا اكتب هالكلام لانه هالشي ماينسكت عليه وادري انه كلامي لا بيودي ولابييب وفالنهاية لا حياة لمن تنادي بس الدين نصيحة وشي ثاني بقوليكم اياه يوم الجمعة الصبح عالساعة 7 تقريبا كنا عالدوار ام القيوين العود << طبعا الكل يعرفه المهم عالدوار شي كافتريات وشيشة بترول الامارات نحن طبعا كنا سايرين رحلة وطلعنا البر ونحن رادين البلاد الشارجة قلنا بنصب بترول المهم يالسين انقول لريال يصب بترول ولا انشوف موتر فولكس واجن واقف صوب سوبر ماركت ونزلوا من الموتر بنتين الاولى لبسها راص بالقو على جسمها والثانية بملابس داخلية اتخيلوا ملابس داخلية والقهر انهن مواطنات وتعال شوف شو استوى امة محمد كلها فالماركت وهي يحليلها تضحك لهم وعاد رقم ماترقم الا سوبر ماركت استوى سنتر والسبه وحدة ماتسوى نعال هندي والقهر الاكبر انه يوم الجمعة والله ماعرف شو اكتب اكسر الكيبورد من القهر ولا شو هاييل وين اهاليهم عنهم تخيل يا اب البنية الي شفتها بنتك 600 الف واحد يشوفها بالملابس الداخلية شو بيكون شعورك؟ هااييل وين الرقابة او الشرطة او التحريات عنهم وحدة بملابس داخلية وفالشارع ليت الهيئة موجودة فالامارات فالاخير اقول كلامي ما بيودي ولا بييب ولا حياة لمن تنادي http://www.l22l.com/l22l-up-3/52c5140dd4.gif |
من صدقج مواطنه !! لو فيها اصل وبنت عرب وناس مربايه مستحيل تسوي هالسوااايا لا تعلــــــــــــــــــــــــيق الحثاله خساره الواحد يطراهم سلمت يمنـــــــاج أختي والرب لكم حافظ |
يــــــــــــــــــــــــــــــــا لهوي شو شو موااااااااااطنه هاااي وين عايشه امحق ع التربيه في ذمتيه تخسي تكوون مربيه وبنت عرب أحشام عنبوووها اللي ما تستحي والله اني فاتحه ثمي من الصدمه موااااااااااااااااطنه غرمت ذي صح لا صدق ما تستحي الصرااااااااااحه لا تعليق غير حسبي الله ونعم الوكيل اللي بنات البلاد جيه يسون وش خلين للباقيات تف عليهن ما تستحين والله اني مقهوووره سلمتي ع الطرح اللي ينرفز الصراااحه تقبلي مروري كسرتي الكيبوورد ليتها عندي بكسره فووووووووق راسها اللي ما تستحي اففففف... |
لاااااااااااا:eek::eek::eek: قوية هاي الصراحة !!!:eek::eek: موااطنة موااطنة؟؟!!!:eek::eek::eek: خربت سمعتنا!!صدق انها هب مرباااية!!!وين اهلها عنها؟؟!! ما احب ارمس عن حد بالشينة!!بس الصراحة هاي نرفزتني!! ما اقول الا الله يهديها!! |
عليجـ السلامـ بنت عمي .. بخير ربي يعافيجـ ... من صوبجـ .. عساج الا بخير شو الكحهـ وياج .. شوو هالموضووع الجريء .... بنت عمـــــــــــــي .. كيف ترووحين ام القيوين بدوني ..مايصير ..:( مب اتفقنا نكون ويا بعض فالسراء والضراء ...--->شدخل افرشي الوزووليهـ الحمرااااااااااا.. غرشووبووهـ بوظبي يت .... بسمـ اللهـ لا حول الله ولا قوة اشو هالمنكر!!! صدق شي يحزن والله لي يصير في هالزمن بس شو بايدك تسوي الوحده ان مااصطلبت وهي عند هلها ماظن شرطي ولاقانون بيذهنها.. بعدين ياجماعة الخير صلو ع النبي ((عليه الصلاة والسلام)) مافي داعي تعصبون جيهـ بدال ماتعصبون ادعولهم الله يهديهم والله يقدر من فوق سبع سموات يهدي هالبنات ... مابيدنا نحن غير ان ندعي أن الله يهديهن ويثبتنا ان شالله ع دينه وهدايته... تسلميــــــــــــــــن اميروووه ع الطرحـ الحلووو .. والجريء ربي يعطيجـ العافيهـ ... لا تحرمينا من كل يديد ومميز من صوبجـ .. تقبلي مرووري.. غرشووبة بوظبي :) |
| الساعة الآن 08:56 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir