القير ما يعشق على ال p تاهو
 

موضوع طرحته في ملاك سيارات جمس وشفر واطرحه هنا للاستفادة الأكثر


السلام عليكم هذي مشكلة تكاد تكون منتشرة في السيارات الامريكية (تاهو-يوكون-سلفرادو-سييرا) خاصة الموديلات اللي قبل 2007

المشكلة جاني واحد من الشباب معه تاهو وترك سيارته شغالة في الشارع يقول القير بيضرب عليه قلت وش المشكلة قال ماني قدار احطه في الp واطلع المفتاح قلت هينه إن شاء الله طبعاً جت اقتراحات انها من العظمة أو حساس دعسة الفرامل او فيوزات ووو

طلعت المشكلة من سستة صغيرة راكبة في قاعدة عصا القير طبعا متوسعة وطالعة من مكانها وصايرة عائق قدام العصا

حل المشكلة انك كل ما تبي تحط القير في الp دف السستة ورا وباليد الثاني عشق القير
ويمديك تضغط عالسستة حتى ترجع مكانها وراء وتحط لك لحام بارد لمنع خروجها وبكذا تنحل المشكلة

الستتة ما تباع لحالها وتحتاج تغير القطعة كاملة بمبلغ وقدره