Oil Change REQUIRED Explorer 2007
 

السلام عليكم ورحمة اللة وبركاتة
اخواني الاعزاء في هذا المنتدىالرائع ابي اطرح عليكم كم سوال وياليت اجد الاجابة منكم السؤال الاول قبل يمكن شهر شريت سيارة من امريكا اكسبلور2007 عن طريق شركة مستوردة للسيارات واليخوت واي شي تبيه يجيبونه لك والحمد لله اشوف انه نظيف علما باني غيرت زيوته كاملة اول ماشريته ومشاويري علية الى قبل اسبوع قليلة بس سافرت علية قبل يومين مسافة 600 كيلو ولما صرت بالرجعه ولعت عندي لمبة Oil Change REQUIRED وقفت على طول وتركت السيارة تبرد حوالي ساعة وفتحت الزيت لقيته باقي جديد ولزوجتة طبيعية ولا زالت اللمبة والعه .
وش سالفة اللمبة ذي وكيف تروح الزيت مامشيت عليه كثير الاجمالي يمكن 2200 كيلو بس هل لازم اغيرة ولا كيف اطفيها اذا كانت بالبرمجة
السوال الثاني :لاحظت صرفية البنزين بالمرة مرتفعه وخاصة انا اعبي 95 يعني بنزين ثقيل واشوف انه بالمرة يصرف هل الموديل ذا كذا او عندي مشكلة؟
السوال الثالث :اسفل السيارة يوجد نتشات حلا في الهيكل الحديد من تحت صداء هل ارشه بوية زي كل السيارات المستوردة وامشي ام لازم اصنفر علما باني رحت لجدة وماتركت ورشة ولا محل ترميل الا ورحت لهم وقالوا مايسوونها ليه وصاحب معرض قال لي يوم سالته قال ياخوي لاتتعب نفسك اشوف سيارتك طبيعية رشها مانع صداء وانتهينا وقال لي والله السيارات الي نجيبها ندفع فلوس الرش في امريكا وخاصة لما نستورد 40-50 سيارة نتفق معهم على سعر معين وهم يسوونها .
ابي رايكم والله يوفقكم جميعا
واسال الله العلي القدير ان يوفقكم في الدنيا والاخرة انه سميع مجيب ومن له تجربة لا يبخل علينا بها عل الله ان ينفع بها في زمن اصبح الواحد منا لا يعلم الصح والخطاء من الورش وطريقة النصب والتفنن في الكذب لغرض استنزاف جيوبنا الله المستعان