منتدى استراحات زايد - يا طيري اللي من العام مبيوع

السلام عليكم ,,,

لست بشاعر لكن أبيات بالخاطر وكتبتها ,,, لي فترة أدور طير ونبي البر والقنص لكن عجزنا نلقى مطلوبنا ...

لي ثلاث شهور ياربع مكشات مفجوع *** أسوم بها المنتدى لا رحم حيه

أحدن يقول إذا ماصاد الطير مرجوع *** وأحدن يقول مواكره يمكن خفيه

وأحدن يقول الطــير مـــات موجـوع *** يسقيه مـاء مع مضـادات حيويه

ما ألوم الطير منك يا جـاهل الكــوع *** أنهيت مستقبل حياته بدبره غبيه

وحســين أبو يحي ذابحـه الجــــوع *** يدور طيور لأجل كل صوره بميه

يا زين من أهــداك يا شين جـربوع *** لأجل تاخذ معه صـورة رمزيــــه

سمـنا طـيور وقالوا عصـر الربوع *** موعدك وجب معـك حـمامة حــيه

أنشــهد انه طـير وافــي ومـربوع *** راعــيه عـطانا النيه والنيه مطـيه

ويومن وقف السوم عندي مرفوع *** أقفى وقــال وده يشـــاور خـــويه

نـــاس بلا مذهـــب متغيرة طــبوع *** يالله الغفـران منك وحسن المـنيه

يا طـيري اللي من العـــــام مبيوع *** ليتك على كفي أهـدك صـبح وعشيه

يا حر ياكاشف الراس يازين لطبوع *** ماظنتي شمس اليوم تشرق بزيه

تعبت وحـالي تقل مدمن ومقطــوع *** وماظنتي عاد بي حيل ولا مقدريه

هذا الكلام اللي من القلب مطبوع *** ويا تسبدي اللي تقل بها جمرة حيه