منتدى استراحات زايد - سؤال بخصوص قارمن 205w للجميع

السلام عليكم ورحمة الله وبركاته
بداية أحب ان استشيركم بخصوص قارمن 205w لاني اقتنعت أن اقتنيه فرفرت المنتدى واشوف الشور دايم على المونتانا وانا بذكر لكم استخدامي له وروحاتي وجياتي واشوف رايكم لا هنتم :
اولا : انا جربت نوفي 1410 لقريب لي واتعبني صراحه لان شغلي في الكشتات والرحلات البريه احاول اني ما اضيع وقت على ما يقولون ( لا يوقف ) من صبح ممشى الى المغرب مثلا احاول اني ابتعد عن الخطوط نتمشى في الدهنا ونقصها ونطب على الصمان ثم الصمان نمشي فيها من جنوب الا شمال والمشكلة ان الخط الزهري ما يمشي معي،، دايم ابتعد عنه واعيد تحديد الموقع .
ثانيا : اذا حطيت الشاشة الثانية الموسعه لازم اصغر الشاشة وادور موقعي كل شوي والا ارجع على الشاشة الرئيسية ثم اطلع للشاشة الكبيرة وهذا متعب جدا .
ثالثا : ما يطلع لي المدن القريبه من موقعي سواء كنت على خط او في البر
رابعا : احيانا اكون ماشي في شعيب في نفس المجرى ولكن في الشاشة يكون المجرى بعيد عني شوي واحس انه غير دقيق في الوصول إلى نقطة معينه في البر وأحيانا اكون في الصمان وتظهر لي الفياض باللون الأخضر فقط بدون اسم لازم اصغر الشاشة واكبر واصغر بعدين يطلع لي الاسم او يقول حديقة عامة هههههه
خامسا : انا استخدمت ال 1410 في روحة للدمام وروحة لمكة المكرمة وصراحة ضيعني مع اني الغيت خارطة الصحرا وحددت على خريطة المدن ومع ذلك ما ادري الخلل من الجهاز او من عدم ضبط إعدادات معينه ،،، وعشاني ما جربت ال 205w حبيت اسالكم
لأنه بيكون استخدامي للجهاز للبر وللمدن ولا احب التعقيد فما رايكم في جهاز 205w هل يفي بالغرض وهل ينفع لروحة لاوربا او شرق اسيا وشكرا لكم واي سؤال انا حاضر