عندي هالدافورين .. وكم سؤال
 

مسيكم بالخير ..

كم سؤال وأبي فزعتكم


أولا :

عندي رأس تيرا الكوري هذا

http://www.mekshat.com/pix/upload05/...k11921_666.jpg





وأيضا عندي هالبريموس الهندي






http://www.mekshat.com/pix/upload05/...k11921_777.jpg

وصخات مرة وماقد سويت لهن صيانة

حتى إن الهندي شعلته صارت ضعيفة مهما أرفع الغاز .. بل إني أرفع الغاز وبعد شوي تبدأ تنقص الشعلة

فهل هناك محل في شمال الرياض يضبطهن وينظفهن يرجعن جدد ؟ وبكم تقريبا ؟




اشتريت هالمحول :

http://www.mekshat.com/pix/upload05/...k11921_888.jpg



http://www.mekshat.com/pix/upload05/...k11921_999.jpg



وأول ملاحظة بلد الصنع، في جهة ايطاليا ، وفي جهة مكتوب E.E.C

وش السالفة ؟

وسؤالي هو : ركبت المحول على دبة بريموس الهندية وطبقت تمام وفتحت الغاز ومافيه أي مشاكل ... هل أقدر أشبك عليها لي وأوصله بالقز ابوعينين ويشتغل طبيعي أو يبي لها وصلات أو محولات ؟



ثالثا :

مثل ماتلاحظون الدبة اللي عندي مافيها دعامات للأحمال الزايدة ، هل لو وديتها محلات الرحلات يركبون عليها دعامات ابقدر بعدين إذا احتجت أفك الراس وأركب بداله المحول عشان أمدد للقز ؟ أو هم يثبتون الراس بالدعامة ؟



رابعا :

أبي هالشبك اللي حطه أبومنصور في أحد مواضيعه ، وين ألقاه ؟

http://www.mekshat.com/pix/upload02/...nsour14222.gif






وشكرا