بالصور طريقة اصلاح مثبت السرعة في التاهو واليوكن +2007
 

السلام عليكم ورحمة الله وبركاتة
اسعد الله اوقاتكم

بعد معاناتي مع عطل مثبت السرعة في التاهو موديل 2007 وكثرة المشاكل في المثبت في اغلب سيارات تاهو و اليوكن

تكمن المشكلة في انه عند الضغط على ازرار المثبت في الطارة يضيئ فقط نور برتقالي في نفس الزر ولا يضي الضوء الاخضر في العداد .

وبعد اطلاعي على عدة مواضيع اتضح لي ان العطل سببة حساس في دعسة الفرامل طبعا والسبب اتوقع انه من تنظيف السيارة من الداخل بالهواء عند المغاسل مما يسبب تراكم الاتربة على قطع الحساس الداخلية ويتسبب ذلك في عدم توصيل الكهرباء للحساس والله اعلم .

طبعاً قلت خلني اجرب وافك الحساس واشوف وش بلاه يا يصلح يا اغير واحد جديد
والحمد لله نجحت الطريقة وبدون اي متاعب او خساير يعني ريال واحد ماحطيت



نبداء بسم الله

موقع الحساس طبعاً في دعسة الفرامل
نحتاج الى مفتاح 10 فقط
نفك المسمار وبعدها ننزع التيله تسحبها الى اعلى شغلتها جداً بسيطة
http://www.mekshat.com/pix/upload06/...bnails/111.jpg


هذا الحساس بعد ما طلعته


http://www.mekshat.com/pix/upload06/...bnails/112.jpg


بعد مانفكها تحتاج الى مفتاح او سكين لفك الحساس وله عدد 4 كلبسات


http://www.mekshat.com/pix/upload06/...bnails/113.jpg


طبعا فية قطعتين داخلية الاولى عبارة عن قطعة فيها سستة والقطعة الداخلية تعتبر قاعدة طبعا مافيها اي متاعب اللهم انك تحرص على السستة ماتروح او تطير بعيد وتضيع عليك

http://www.mekshat.com/pix/upload06/...bnails/114.jpg


بعد الفك فية موصلات للكهرباء يبي لها صنفرة وتنظيف


http://www.mekshat.com/pix/upload06/...bnails/115.jpg


طبعاً يبي للواحد شوية شحم علشان القطع البيضاء يكون حركتها افضل


http://www.mekshat.com/pix/upload06/...bnails/116.jpg


نجي نركب اولاً القطعة السفلى تجي دايرية والثانية الي يجي فيها السسته
اول شي تحط السستة في موقعها وبعدها تكبس القطعة وتركبها في المجرى
وبعدها ترجع الغطاء وتقفل عليها


http://www.mekshat.com/pix/upload06/...bnails/117.jpg


نجي للتركيب طبعاً له جهتين الحساس ولها مجرى في النص الى في النص تركب فيها ذراع الفرامل وتركبها في موقعها

http://www.mekshat.com/pix/upload06/...bnails/118.jpg


هذا هو بعد التركيب يبقى لنا شغله بسيطة


http://www.mekshat.com/pix/upload06/...bnails/119.jpg

هذا طبعاً امان للذراع والحساس ما تطلع من مكانها بعد ماتركب الحساس تجي تركب القطعه هذي ونسحبها ع اسفل عشان تركب صح
http://www.mekshat.com/pix/upload06/...bnails/120.jpg

بعد تركيب القطعة المعدنية

http://www.mekshat.com/pix/upload06/...bnails/121.jpg

نركب المسمار ونرجع نشد عليه ونركب فيش الحساس

http://www.mekshat.com/pix/upload06/...bnails/122.jpg

بعد التجربة والحمد لله نجحت الطريقة


http://www.mekshat.com/pix/upload06/...bnails/123.jpg



ختاماً
الشغلة ما تاخذ من الواحد 20 دقيقة ولا فيها اي نوع من المتاعب

دعواتكم وجاهز لاستفساراتكم

اخوكم ابو عروب