|
صرت نحال ابشركم ههههه بس ابي احد ينصحني السلام عليكم ورحمه الله وبركاته تحيه معطره للجميع انا صراحه مالي بالنحل ابد هههه بس ما دري وش الي قردني وحطيت خليه المهم السالفه حصلت نحل متجمع في الحوش حقي واتصلت على واحد خبيرفي النحل قلت كيف اتخلص من النحل الي في البيت خايف يهاجم اولادي الله يصلحهم الرجال قال هذا طرد لازم تسكنه هههههه انا قلت وش طرد وش تسكنه تراني مااعرف شي المهم الرجال عطاني نبذه صغيره .. اتصلت على واحد خبير بالنحل وسكنه لي وحطه في خليه .. الكلام هذا من شهر شعبان تقريباَ اليوم فتحت الخليه وحاولت ارفع احد الاخشاب حصلته كل الاخشاب متلاصقة في بعض يعني يوم جيت اسحبه بقوه شفت الشمع متلاصق في بعض بين الاخشاب وخليته وحصلت على الخيشه الي تغطي الخليه النحل مسوي خليه يعني الخليه متعلقة في الخيشه المهم ابي اعرف كيف اسوي في الخليه لانه صراحه ما قدرت اطلع الاخشاب لانها متماسكه بالشمع والعسل علماَ بان عدد الاخشاب اربعه الي فيه والباقي فاضيه بأنتظار مشورتكم لكم تحياتي |
| الساعة الآن 11:37 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir