منتدى استراحات زايد - محاورة بيني وبين احد الأصدقاء (( من بعد حسني طلع خسران ))

السلام عليكم

اضع بين يديكم محاورة بيني وبين صديق لي عبر موقع التواصل الإجتماعي تويتر

ترى نمون على بعضنا والدعوة حبيه :D

اتمنى ان تنال على رضاكم واستحسانكم

القول×

×سلام وابغى افاداتك..وش فيك ثاير مع الاخوان×
اشرح لنا عن معاناتك.. لاشفت ضيقت غصين البان

الرد مني :×

×يا مرحبا بكثر لجاتك .. يا من تنقد بلا برهان×
وش جاك وش غير ابياتك .. من بعد ما طاحت السيسان
رده

غريب طبعك ومشياتك.. فيها خلل من قديم ازمان
عن الغلط واحترم ذاتك..وموضوعنا اشرحه بحسان
الرد مني :×

×تعارض كلامي بخبالاتك .. وتبغى اتوازن بلا ميزان
وتصيح وتهل دمعاتك .. من بعد حسني طلع خسران
رده :
ماني مدور لمرضاتك..مادام ون الحكي تعبان
عساها دايم علاقاتك.. فرض الكنانه لها عمدان
الرد مني :×

×من بعد غيرت لهجاتك .. وصاحبت ضاحي ولد خلفان
بانت ليه جوازاتك .. اللي رمت بك وراء الصمدان
رده :

دايم تهجم حواراتك..×ولاتعرف تميز الغلطان
والظاهر اخر مطاراتك.. بتكون فمحافظة ذهبان
الرد مني :×

هذا جهل في اساساتك .. يا بيت خالي بلا بيبان
وان كان عادت زماناتك .. زعبل وطنطنه هي العنوان

رده :×

كل البلا من ثقافاتك..ياذيب يركض ورى القطعان
والله يستر مصيباتك..قبل النهايات ياذيبان

الرد مني :×

وانت البلا في جهالاتك .. يا نسر من عيشته شبعان
عقلك هو اعظم خساراتك .. يوم ان بعض العرب ربحان

رده :×

لازم نصحح مساراتك..قدام لايصيبك النيشان
ياجاهل الوضع عاداتك..تصبح لها في زمنكم شان

الرد مني :×

ما احسب لتهويل عباراتك .. ولا اخاف وانا مع الرحمان
وإن كان مع الذل غايتك .. عز الله انك رجل دمران

وسلامتكم

تحيااتي : Emad Al Harbi